Bistro NTT by Attic

营业中

休息中

原本以為校園入面嘅餐廳都係簡單快餐，直到我試咗 Bistro NTT by Attic，完全顛覆咗我對「校園餐廳」嘅印象。由 Bistro Bon 團隊主理，主打法式創意料理，環境靜謐，裝潢走木系簡約風，半開放式廚房睇住主廚慢煮鴨胸、煮魚湯，感覺好療癒。餐廳位於浸會大學吳多泰博士國際中心地下，唔係熟路真係唔易搵，但氣氛好靜好舒服，都叫適合慢慢嘆一餐。—🍴MY PICKS♡🍲 法式馬賽魚湯配藏紅花蒜蓉奶黃包 湯底以多種海鮮慢火熬製後多次隔渣而成，味道層次豐富、濃郁鮮香。熬製成功後再加入多種海鮮，包括紅杉魚、蝦、青口等，配料豐富。所搭配的蒜蓉奶黃包特別加入了藏紅花提升香氣層次，外脆內軟，吸晒湯汁後鹹香中帶微甜，係一道創意之作。🍝 鴨白湯手打義粉配慢煮鴨胸鴨白湯用鴨骨熬製，味道濃郁但唔膩，手打意粉做得都算突出，口感彈牙掛滿湯汁，算係成餐亮點之一。鴨胸經低溫慢煮，肉質嫩滑，油脂香氣突出。—🌟整體嚟講，Bistro NTT by Attic嘅菜式創意令人印象深刻！環境靜謐，服務貼心，價錢唔算平，但學生另外有折，以質素嚟講絕對合理。下次會想試埋佢哋嘅鵝肝、牛小排同手打漢堡。