影片
更多
2018-01-19
869 浏览
如果話之前d食評比負皮係因為唔好食、失望，咁今次直頭係著哂，因為好！難！食！一心一意同媽子慶生食好d，當然諗起母校啦，自助餐就食過幾次，見Green個下午茶餐同平時晚市a la carte都幾多好評..所以真係冇諗過差到咁當晚係食6xx一位semi-buffet，由預約帶位入座都唔錯..因為冇乜人頭盤自助沙律吧、海鮮、餐湯其實都好好。龍蝦肉質鮮甜有海水味仲好多蝦膏、有用鮮無花果入饌嘅火箭菜沙律、有廚師逐位派發咬落好香酒味嘅Cherry Ganache、仲有我到而家都念念不忘嘅風乾肉類拼盤頭盤同甜品(偷跑是常識吧)都精彩絕倫，但主菜出哂事。見佢餐牌揀Main Course係話「牛柳鵝肝 」已經有d擔心，因為一間餐廳如果用真材實料，係絕對會清清楚楚話比你知係乜野牛黎冇錯，咁大舊牛又咁慷慨咁大舊鵝肝，絕對比阿婆行得快更加有古怪。牛肉食落係完全冇肉味，更加唔好奢望有肉汁，我淨係感受到舊肉一係雪死左好耐一係落左超多鬆肉粉個肉質霉到我...我真係唔知自己食緊乜呀！係咪同d頭盤咁大落差呀？舊所謂鵝肝入口竟然有種咬豬紅+豬潤嘅感覺油膩、冇味，仲要一d煎燶脆脆嘅表面都冇...其實我食緊d乜？最後食左幾啖
一心一意同媽子慶生食好d，當然諗起母校啦，自助餐就食過幾次，見Green個下午茶餐同平時晚市a la carte都幾多好評..所以真係冇諗過差到咁
當晚係食6xx一位semi-buffet，由預約帶位入座都唔錯..因為冇乜人頭盤自助沙律吧、海鮮、餐湯其實都好好。龍蝦肉質鮮甜有海水味仲好多蝦膏、有用鮮無花果入饌嘅火箭菜沙律、有廚師逐位派發咬落好香酒味嘅Cherry Ganache、仲有我到而家都念念不忘嘅風乾肉類拼盤
頭盤同甜品(偷跑是常識吧)都精彩絕倫，但主菜出哂事。見佢餐牌揀Main Course係話「牛柳鵝肝 」已經有d擔心，因為一間餐廳如果用真材實料，係絕對會清清楚楚話比你知係乜野牛黎
冇錯，咁大舊牛又咁慷慨咁大舊鵝肝，絕對比阿婆行得快更加有古怪。牛肉食落係完全冇肉味，更加唔好奢望有肉汁，我淨係感受到舊肉一係雪死左好耐一係落左超多鬆肉粉個肉質霉到我...我真係唔知自己食緊乜呀！係咪同d頭盤咁大落差呀？
舊所謂鵝肝入口竟然有種咬豬紅+豬潤嘅感覺油膩、冇味，仲要一d煎燶脆脆嘅表面都冇...其實我食緊d乜？
最後食左幾啖，討厭浪費食物嘅我同媽子都做左大嘥鬼但真係食唔到落去。五星酒店、教學用途、國際地位高，我真係冇諗過會serve d咁嘅野食比客。
PS: Green係去lobby個廁所，當晚入到去滿目瘡痍一地係排泄物，頂唔順走上去用Market果個。理工酒店管理系有冇搞錯呀？
张贴
