洋 (已結業)

柴灣都好少日本野食，所以有時想食下壽司手卷都無乜選擇，但最近發現樂軒台開咗間手卷小店，仲要有勁多選擇，所以就買咗幾個翻去同屋企人食。除咗手卷之外，仲有啲丼飯、烏冬同埋小食。😋海膽手卷海膽既份量都好多，唔係淨係show岀嚟個部分，連入面既飯都有包住咗啲海膽。海膽都幾甜，而啲壽司飯仲係暖既。😋軟殼蟹手卷軟殼蟹炸得唔錯，就算我外賣拎翻屋企都無淋晒，有半隻軟殼蟹嘅份量，入面仲有沙律醬配搭翻。😋帶子手卷帶子好新鮮同埋鮮甜，而且唔止係表面見到既帶子，飯入面仲有。😋鰻魚手卷見到啲鰻魚汁係飯入面都有，真係唔洗再加豉油。