阿夫利拉麵 (The ONE)

营业中

休息中

聽同事話幾好食，我又嚟試下去到係有自助機先買野食然後入坐我就點咗柚子醬油拉麵$108一碗坐低一陣好快就有麵食喇～望落都好大碗，啲料唔算多。叉燒得一片，厚薄適中但偏肥。溏心蛋都係半隻正常發揮。麵身係幼麵款幾好咬！軟硬適中幾岩我食。其實重點係個湯，淡淡清新柚子味配埋醬油原來又幾新奇有趣！有啲爽口又唔油膩嘅感覺！不過湯底依啲都係偏高鈉，飲一兩啖試下就夠。整體來講佢都只係正正常常，所以一碗麵要成過百蚊真係偏貴咗啲啲。