影片
更多
2017-08-05
1119 浏览
無論去澳門定抑或香港，我都未食過呢間杏香園甜品。是日行到攰攰地，腳痠軟，見到誠品除左cafe，另設有呢一間不太顯眼的甜品店，我就抱住試下嘅心態去試。夏日天時熱辣辣，香港悶熱嘅天氣，有時真係唔多想食正餐。但糖水我絕對絕對會有另一個胃。今次就即管試下（熱）杏仁合桃糊，（凍）燉蛋。以我所知，燉蛋亦都有熱食選擇。我說不出賣相有何特別，只係普通的合桃糊上加少少杏仁糊，白色明顯係杏仁，啡色係合桃糊。坊間傳言話食合桃多會補腦，真與假唔肯定，但果仁類對身體係幾好！味道方面，甜度係屬於好少，相比一般甜品店的甜度，可以話算健康。合桃杏仁都極稠，入口充滿住濃郁合桃味。雖然杏仁都有味，但合桃味本身比較強，令杏仁味唔太出。杏仁係襯托整碗合桃糊，加點味覺上的層次，而非兩者爭奪主角之位。我喜歡熱食甜品，加上好喜歡杏仁和合桃，呢碗糖水我俾（5粒為最高）另一碗係凍燉蛋，同樣糖分比例唔多。由於唔係用左好多牛奶去做，燉蛋只有淡淡雞蛋香和滑嫩口感。滑嫩到好似食豆腐。🙊🙊係外面其他店舖食燉蛋，不能說唔好食，但又未至於令我留下深刻印象。但杏香園燉蛋卻有種魔力，憑著淡淡雞蛋香，無須再多味道，就已經能夠俘虜我的心-對美食執著的心。呢
夏日天時熱辣辣，香港悶熱嘅天氣，有時真係唔多想食正餐。但糖水我絕對絕對會有另一個胃。
今次就即管試下（熱）杏仁合桃糊，（凍）燉蛋。以我所知，燉蛋亦都有熱食選擇。
我說不出賣相有何特別，只係普通的合桃糊上加少少杏仁糊，白色明顯係杏仁，啡色係合桃糊。
坊間傳言話食合桃多會補腦，真與假唔肯定，但果仁類對身體係幾好！
味道方面，甜度係屬於好少，相比一般甜品店的甜度，可以話算健康。
合桃杏仁都極稠，入口充滿住濃郁合桃味。
雖然杏仁都有味，但合桃味本身比較強，令杏仁味唔太出。
杏仁係襯托整碗合桃糊，加點味覺上的層次，而非兩者爭奪主角之位。
我喜歡熱食甜品，加上好喜歡杏仁和合桃，呢碗糖水我俾（5粒為最高）
另一碗係凍燉蛋，同樣糖分比例唔多。由於唔係用左好多牛奶去做，燉蛋只有淡淡雞蛋香和滑嫩口感。滑嫩到好似食豆腐。🙊🙊
係外面其他店舖食燉蛋，不能說唔好食，但又未至於令我留下深刻印象。但杏香園燉蛋卻有種魔力，憑著淡淡雞蛋香，無須再多味道，就已經能夠俘虜我的心-對美食執著的心。
呢碗我都會俾（5粒為最高），我唔俾4粒係因為覺得有進步空間，蛋味可以再試下強調。😆
杏香園，係香港未係好有名，我見其實都有唔少人買糖水外賣。平靚正，三隻字一定未係佢，因為定價都唔算好平民。
質素依照是次第一印象係唔錯，有興趣的都可以去食下。
唯獨有一樣想，就係佢嘅櫈。自問唔算肥，但櫈好細張，細都唔係重點，重點係佢側邊個兩支柱仔，坐得非常唔舒服，就似要你夾埋雙腿坐。夏天流緊汗，要夾埋咁坐，實在唔多舒服。
順帶一提，杏香園主要食舊式甜品😋
兩人消費:67蚊（免加一）
张贴
