杏香園 (已搬遷) 新店位置

杏香園是一家具有歷史的港式甜品店。在太古誠品走累了，剛好看到杏香園甜品店，就試了他們的 $49 雙拼下午茶套餐。套餐可選一款小吃和一款糖水，選擇夠多，價錢也實惠。整體出品簡單樸實，但味道做得不馬虎，用料實在，幾款甜品都保持不錯水準。⸻芝麻糊芝麻糊質地濃稠細滑，入口香濃，甜度適中。食得出用料實在，芝麻味自然醇厚，是港式糖水中的經典款式。#芝麻糊 #港式糖水 #黑芝麻甜品⸻馬蹄沙口感清爽，內有馬蹄碎粒，微脆中帶啫喱質感。甜味輕柔，涼涼地食最為舒服，特別適合初夏時節享用。#馬蹄沙 #涼茶糖水 #夏日甜品⸻糖不甩煙韌的糯米丸裹上香口花生碎與椰絲，甜漿不膩，口感豐富又有層次，是一款令人回味的懷舊小吃。#糖不甩 #懷舊小吃 #港式甜品⸻雷沙湯丸黃豆粉包裹的湯丸香氣十足，口感軟糯不黏牙，豆香與甜味平衡得宜。適合喜歡乾口糖水的朋友。#雷沙湯丸 #黃豆粉甜品 #傳統糖水⸻杏香園的出品雖不花巧，但甜品用料真誠，味道自然樸實。在商場內能找到這類舊味道，實在難得。午後想吃點輕盈又有港味的甜品，這裡會是個不錯的選擇。

叫左蛋白杏仁茶，第一啖係粉、第二啖係粉糊、之後都係粉。朋友叫左蛋白燉奶，成碗都無味，究竟食左啲咩落肚....其實粉開既糖水都收三十幾四十蚊，真係不知所謂！！！！

✨在誠品打完書釘，好想找些食物補充一番，無意中便進入了這間杏香園。呢度還境都尚算不錯。下午茶有套餐，非常抵食！🧁👇🏻羽衣甘藍芝士蛋糕從來未食過芝士蛋糕是羽衣甘藍味道，眾人都知道羽衣甘藍纖維高，營養又豐富，非常抗氧化及高維他命，配襯這芝士蛋糕🍰，絕對是降低罪惡感。😅🍵👇🏻杏仁茶杏仁茶白滑細緻，同樣是一種高抗氧化及抗衰老的食物，趁熱飲會比較好味道。

下午茶時間食甜品。。。40幾蚊。。係貴少少但勁好食。。啖啖芒果肉。。。杯木瓜奶都好潤喉補肺。。好開心太古城有間似樣既糖水店喇。。。服務不過不失喇。。。下次試下食其他先

今晚放工，想着食碗糖水才回家，由於冇得選擇，於是入去誠品地下間糖水舖。坐下，叫了碗芝麻糊綠豆沙（回答：是有）。惡夢開始…聽到七嘴八舌大大聲咁講：芝麻点溝綠豆呀！芝麻多Ｄ定綠豆呀！邊個打單先咪多Ｄlor！—凉一熱，点溝黎食！乜味黎ga！Ｄ味咁真怪！海帶点溝呀！足足講了５分鐘。好了，上抬的完來是芝麻水溝綠豆。陰公！完來我是全香港第一個食。不知所謂（註：小心個羣綠色野，個個有５個嘴的）

太古好難得食完飯可以係商場入面搵到間中式糖水鋪，當然要同屋企人去食食啦杏香園係澳門就聽過，但就未食過，入到去都幾多人呀～可能係大家都食完飯去食既時間黎，同埋位唔係好多，所以感覺都full full地男朋友叫左個椰汁雪糕西米露，椰汁好香好滑，但西米好細粒，食落唔多覺，變左似汁伴雪糕多d，但係都係好食既屋企人就叫左腐竹蛋糖水，蛋係原隻上（好似比較小見，通常都打蛋花？）腐竹好惗，好香好食既舊式糖水，好有媽媽既感覺tim呀～最後我叫左椰汁紅豆西米露，紅豆煲到起曬沙，正呀，但d西米都係細粒左小小，食落唔太覺有，同埋熱食起上黎，咁岩個日商場冷氣有小小大同凍，所以食落暖笠笠～總結係太古都終於有d中式糖水，仲要係商場入面既可以食下～

又到左3點3, 暑假既尾聲。 正想係天仁茗茶買珍珠奶茶同茶葉蛋之際,排隊排左好耐又想起同行朋友未食過杏香園, 我就帶左佢地黎食喇。今次我n call芒果班戟, 因為真係皮薄,cream滑, 芒果靚。 應該係用呂宋芒, 好香甜。 同行朋友都係芒果迷。 唔駛5分鐘俾我地清哂。木瓜奶都幾好飲。 冇冰粒同有木瓜粒。 朋友話佢自己調制既更好味wor. 我叫左少冰。 比室溫微凍。朋友叫左紅豆冰。 吸管吸唔到紅豆, 佢要左條粗既吸管。 佢話冰粒都特登刨左唔錯。佢要左原味芝士蛋糕, 比外觀好睇。 如果直接用碟上更好睇。 好濃郁既芝士味, 係實身既係new york cheese cake. 服務好親切, 街坊生意, 對小朋友有耐性。

區內沒有真正既甜品店, 係誠品內開左過江龍。第一次晚餐後太飽冇食到, 係星期六晚9點半排長龍。今次係太古行街, 中心內沒有小食店。 又想坐下食下野呢度岩哂。平日時分下午3點3 都係得幾個人, 好休閒。 侍應主動介紹有下午茶。 係抵d既。芒果班戟食落芒果超大塊。 皮好薄。 同cream新鮮。 cream 同芒果比例係2比8呀。木瓜牛奶冇哂( 侍應話木瓜未熟 窄出黎唔好飲。 我叫左芒果汁) 平時有自己窄開, 自窄好稠, 所以呢度一定有加水, 因為好易入口又有濃濃芒果味總結: 地點方便, 晚上食就要早d黎排隊喇誠品會員卡有9折

本身鍾意食馬蹄製品，好似馬蹄糕同蛋花馬蹄露，但後者好似越嚟越少見呢度糖水以中式為主，好似腐竹、杏仁茶，桃膠等等，亦有西式甜品如芝士蛋糕。第一次見馬蹄沙，叫咗熱蓮子白果馬蹄沙試下。馬蹄磨成沙狀，入面有唔少馬蹄粒豐富口感。馬蹄清甜，又無比糖味掩蓋，整碗甜度恰到好處，食落去好舒爽蓮子同白果份量都幾多，又大粒，味道又濃，不過有一兩粒白果有少少澀，不過真係瑕不掩瑜下次嚟一定會再食

食完lunch，覺得個肚唔夠充實，想搵糖水食，但天氣凍真係唔想食冰類雪糕，唔想食frozen yogurt，真係好想食番碗中式糖水！諗極都諗唔到太古同鰂魚涌邊度有中式糖水食，openrice搵了又搵，終於搵到，平時成日行誠品都發覺唔到呢間杏雪糖水鋪嘅存在！其實都唔少人午飯後嚟呢度食番碗糖水澳門開到嚟香港開分店都幾犀利餐牌有2大版，款式都幾多椰汁西米渣渣湯丸 $44- 幾好味喎，渣渣夠多料，椰汁夠香，加埋西米同湯丸真係正桂花龍弱眼桃膠 $42 - 大熱平民燕桃膠都有得食，不過食落只食到冰糖味，桂花見就見到，不過味就無咩喇真係，龍眼係新鮮嘅，爽口清甜糖不甩 $20 - 有5小粒，即叫即整，煙煙韌韌，花生芝麻都幾香

這間位於「太古城」地下，台灣有名「誠X書店」內的甜品店「杏香園」，「杏香園」實際上本店，應該說「杏香園」發祥地竟然是在……「澳門」。後來我在網上搜索後，才知道「杏香園」源自澳門的時候，當時的我的確曾經有一刻是感到愕然。但正正就是因為「杏香園」源自澳門，我才知道為什麼，當日在「誠X書店」尋找「杏香園」，過程會這樣辛苦。因為我在太古城「誠X書店」尋找「杏香園」的時候，要不斷在堆滿政治書籍的「誠X書店」內四處走，又要找來自澳門的「杏香園」，又要避開現實政治的陰暗面，儘量不望向政治書籍，是一件很艱辛的事情。「山窮水盡疑無路，柳暗花明又一村」，這兩句七言詩句，正正最適合形容我當時的心情。未找到「杏香園」之前，我在太古城「誠X書店」尋找「杏香園」的過程是十分不自在。「誠X書店」跟香港坊間很多書店一樣，裡面放滿了大量書籍，尤其是現在最殘酷的世界環境，遇見最慘不忍睹的政治書籍，它們幾乎眼光不能直視，我要精神十分繃緊地急步穿過直行。直到我走到盡頭，終於找到了「杏香園甜品店」這六個大字，我才暫時放下了心頭大石。無錯，的而且確只是暫時放下了心頭大石，因為食完甜品結賬後，如何真正做到「平安無事」徒步離開「誠X

以前曾經在澳門幫襯過，當時已覺得好好味，當知道在香港開店後，已先後來過幾次，每次都食馬蹄沙！朋友說這裡的杏仁茶比馬蹄沙好味，因馬蹄沙略甜，我卻不覺得啊，真是超喜歡這裡的馬蹄沙！今次買外賣，大約三、四分鐘就好了，非常有效率。不過每次來這裡都靜靜的，可能在誠品內較隔涉？希望佢生意興隆，我要一直有馬蹄沙食啊！必定會再來！

無論去澳門定抑或香港，我都未食過呢間杏香園甜品。是日行到攰攰地，腳痠軟，見到誠品除左cafe，另設有呢一間不太顯眼的甜品店，我就抱住試下嘅心態去試。夏日天時熱辣辣，香港悶熱嘅天氣，有時真係唔多想食正餐。但糖水我絕對絕對會有另一個胃。今次就即管試下（熱）杏仁合桃糊，（凍）燉蛋。以我所知，燉蛋亦都有熱食選擇。我說不出賣相有何特別，只係普通的合桃糊上加少少杏仁糊，白色明顯係杏仁，啡色係合桃糊。坊間傳言話食合桃多會補腦，真與假唔肯定，但果仁類對身體係幾好！味道方面，甜度係屬於好少，相比一般甜品店的甜度，可以話算健康。合桃杏仁都極稠，入口充滿住濃郁合桃味。雖然杏仁都有味，但合桃味本身比較強，令杏仁味唔太出。杏仁係襯托整碗合桃糊，加點味覺上的層次，而非兩者爭奪主角之位。我喜歡熱食甜品，加上好喜歡杏仁和合桃，呢碗糖水我俾（5粒為最高）另一碗係凍燉蛋，同樣糖分比例唔多。由於唔係用左好多牛奶去做，燉蛋只有淡淡雞蛋香和滑嫩口感。滑嫩到好似食豆腐。🙊🙊係外面其他店舖食燉蛋，不能說唔好食，但又未至於令我留下深刻印象。但杏香園燉蛋卻有種魔力，憑著淡淡雞蛋香，無須再多味道，就已經能夠俘虜我的心-對美食執著的心。呢

和太太，小朋友經過太古城誠品地下，見到有新店試業。還是我們喜愛的澳門甜品。進內一試果真不錯，味道剛好，而且不是一般甜品舖的大鑊煮。見到做糖水的哥哥，是用小㷛當客人點餐後再煮。個人覺得很有誠意 ！是次只點了杏仁茶，核桃露湯丸和糖不甩，因小食還爐還未有及時送到香港。大家可往太古一試