影片
更多
2022-12-11
37 浏览
幾年前嚟過食叻沙，今次重臨有新發現！餐牌上有唔少嘅中菜，見食評推介酸菜魚，就膽粗粗一個人點了二人份嘅招牌酸菜魚！另外亦眼闊肚窄咁叫多個麻香口水雞先嚟嘅係檸檬薏米水。餐牌上標明係低糖嘅，飲落去又唔係特別淡，幾好味，嗰啲檸檬片同薏米放得好靚！轉個頭碟麻香口水雞就送到。呢個係冷盤，應該係雞髀肉嚟，每一件雞都超滑！啲麻辣醬味道恰到好處，唔會太辣，又有花椒嘅香味。大概5分鐘之後店員捧咗一個大盤過嚟，真係有啲俾佢嚇親😆，不愧係二人分嘅酸菜魚，好大碟。真係好足料！除咗好多香料之外，有好多件魚，好鮮味。仲有雞髀菇，秀珍菇。一路食一路好似尋寶咁，撩吓撩吓原來個底有木薯粉！平時食開嘅木薯粉係幼身嘅，但係呢間餐廳用嘅呢就係比較粗嘅木薯粉。有啲粉條好似河粉嘅粗度，但有啲又成寸咁闊！闊條木薯粉比起幼身嘅更煙靭，好有嚼口，越食越過癮！
餐牌上有唔少嘅中菜，見食評推介酸菜魚，就膽粗粗一個人點了二人份嘅招牌酸菜魚！
另外亦眼闊肚窄咁叫多個麻香口水雞
先嚟嘅係檸檬薏米水。餐牌上標明係低糖嘅，飲落去又唔係特別淡，幾好味，嗰啲檸檬片同薏米放得好靚！
0 浏览
0 赞好
0 留言
轉個頭碟麻香口水雞就送到。呢個係冷盤，應該係雞髀肉嚟，每一件雞都超滑！啲麻辣醬味道恰到好處，唔會太辣，又有花椒嘅香味。
15 浏览
0 赞好
0 留言
大概5分鐘之後店員捧咗一個大盤過嚟，真係有啲俾佢嚇親😆，不愧係二人分嘅酸菜魚，好大碟。
3 浏览
0 赞好
0 留言
真係好足料！除咗好多香料之外，有好多件魚，好鮮味。仲有雞髀菇，秀珍菇。
一路食一路好似尋寶咁，撩吓撩吓原來個底有木薯粉！平時食開嘅木薯粉係幼身嘅，但係呢間餐廳用嘅呢就係比較粗嘅木薯粉。有啲粉條好似河粉嘅粗度，但有啲又成寸咁闊！闊條木薯粉比起幼身嘅更煙靭，好有嚼口，越食越過癮！
张贴
