更多
2024-01-21
458 浏览
九龙城呢间小店《有口褔》绝对会令你回头,酸菜鱼系首选,小菜都值得一赞。呢度聘请正宗四川师傅,落完单,听到里面嘅镬气声,舐舐脷等食。酸菜鱼(少骨)~ 呢度嘅招牌菜酸菜鱼真系好值得食,上菜时已经闻到香喷喷,鱼带少少骨,食落更香,鱼肉够滑,配菜除咗酸菜,仲有芽菜及笋片,水晶粉索晒汤汁更加美味。肥猪仔午餐肉~食酸菜鱼唔系乜都可以加,酸菜鱼味道同午餐肉都好夹。鲜沙姜炒鸡~即叫即磨新鲜沙姜,好有诚意,鸡件炸香,然后加入配菜落镬炒,炒得特别香口。炸普宁豆腐~即叫即炸,外脆内软,呢个豆腐特别软滑,配一个高汤加少少韭菜粒,味道特别可口。店员非常友善,殷勤招待,有耐性也乐意解释餐牌,欣赏!
张贴