宏 (已搬遷) 新店位置

同老婆黎THE ONE食飯, 老婆見到"宏"就話以為係佐敦食過~ 好好味的~一問之下原來佐敦果個就係搬左黎呢到!!我點左個套餐, "醬油海藻鳥冬麵", 海藻鳥冬個口感幾好, 煙煙韌韌咁, 我好怕湯底太咸, 食完好似成口味精咁, 呢個醬油湯底味道岩岩好 再加兩塊半肥豚肉, 真係幾好味! 重有小食同沙律, 我係男士我都覺得夠飽!重點...原來個餐重有甜品, 都有好幾款選擇! 我揀左抹茶卷蛋~ 個抹茶CREAM好滑好重抹茶味! 非常正!跟餐有杯紅茶, 不過大暑日子真的熱到不得了, 所以我另外點左一杯滴漏咖啡沙冰,咖啡好香好濃~ 唔會好甜, 正! 非常解暑