香港嘆得起冰室 (已結業)

逢星期三都係同家姐出街食飯的日子。我地雖然一齊係深水埗區做野，但卻好少約埋一齊食午餐，於是今晚就係長沙灣呢頭搵下食先。唔知係咪多左好多住宅的關係，而家長沙灣多左好多食肆，食肆多自然競爭大，要吸引到顧客的幫襯，點都要有d諗頭。「嘆得起」~今日我地就比呢間舖個名吸引到，門面夠搶，入到去仲好光猛，環境好乾淨，坐位亦都闊落同寛敞，有d大枱可以坐到一家老幼一齊食飯👍呢度有六個晚市套餐，有經濟晚餐，中式小菜，西式晚餐仲有鐵板，有湯有飲品，不同價錢有不同的選擇。蒜蓉汁鐵板西冷牛扒配薯菜~有兩塊牛扒，雖然唔係厚牛扒，但家姐鍾意易熟易食，無筋夠淋，以我的口味，我就嫌蒜蓉汁咸左少少。鎮江骨~夠哂份量，夠淋夠入味，好開胃，d汁一定要撈飯食，唔好食飯嘅我，都食左大半碗飯，正😋套餐加$9可配紅豆冰，紅豆夠淋，冰室必飲之選👍整體黎講，我都好滿意今晚的晚餐，坐得好舒適，亦都有滿意嘅食物，果然我地都嘆得起😎