巴蜀麻辣米綫 (已搬遷) 新店位置

前幾日聽我個FD講大角咀有間麻辣米線鋪好好食，一向中意食辣野既我即刻揾日去試下，果然冇介紹錯，佢D麻辣湯底好特別，湯底D麻唔會麻到令我覺得變成鹹味，呢點我中意，我試過其他麻辣米線鋪，因為好過麻，反而覺得超鹹，所以食過一次就唔會再去食。呢間巴蜀麻辣米線D味道好岩我，一定會再幫親。。我個FD話佢一個星期起碼幫親7，8次，厲害。間鋪好乾淨，員工幾有禮貌，尤其老闆態度好好，不過對我來講最緊要系平，食左甘多也,埋單先一人六十幾蚊。果日我試左豬肉、腩肉、木耳（小辣），啲猪肉好滑，木耳幾萃口，麻辣烤雞翼，沙薑鴨腎，仲飲左一罐泰國耶青，味道幾好，真值得推薦大家試一試。