影片
更多
2016-12-29
514 浏览
聖誕節唔一定要食西餐既，打邊爐都係冬日一個過節好選擇，㨂左間朋友介紹既「大一火鍋」同老媽子烚下烚下。餐廳環境光猛乾淨，仲有四人枱比我地坐得舒舒服服！老媽子想食《刺身拼盤》，一於豪一豪佢。拼盤有一份$488既牡丹蝦刺身同埋半條 $588既日本空運深海池魚刺身。拼盤連埋泰式辣醬同柚子汁點蝦同魚刺身，新鮮到d肉好飲仲識郁甘呀!魚頭同蝦頭仲有好多肉位食唔到，開頭仲以為會浪費左，點知原來可以2食，甘梗係好啦！叫枝啤酒真係岩晒！椒鹽蝦頭 $38（2食）：4大個脆卜卜椒鹽蝦頭好香口，我連殼都食埋。鹽燒魚身 $69（2食）：原來連埋魚骨位，老媽子最鍾意食魚骨位既肉，鹽燒左仲惹味。打邊爐梗要有個正湯底，店員推介鮮茄魚湯海鮮鍋 （$189），話可以首先飲海鮮湯然後食海鮮，之後先用嚟打邊爐！聽落唔錯！我個湯底有好多海鮮，例如大大隻花竹蝦、長腳蟹、蜆、九肚魚！其餘仲有豆腐、蕃茄同粟米好清甜。打邊爐食牛肉是必須的。小份既頂級出新鮮肥牛切本地肥 （$269）脂紋好靚色澤又紅，新鮮好有牛味，輕輕滾一滾就食得！黑松露帶子餃 （拼黑豬雲吞王）（$139）：好特別，第一次食到。餃中包住成粒帶子，黑松露味唔濃但吊味。而黑
聖誕節唔一定要食西餐既，打邊爐都係冬日一個過節好選擇，㨂左間朋友介紹既「大一火鍋」同老媽子烚下烚下。
餐廳環境光猛乾淨，仲有四人枱比我地坐得舒舒服服！
老媽子想食《刺身拼盤》，一於豪一豪佢。拼盤有一份$488既牡丹蝦刺身同埋半條 $588既日本空運深海池魚刺身。拼盤連埋泰式辣醬同柚子汁點蝦同魚刺身，新鮮到d肉好飲仲識郁甘呀!魚頭同蝦頭仲有好多肉位食唔到，開頭仲以為會浪費左，點知原來可以2食，甘梗係好啦！叫枝啤酒真係岩晒！
椒鹽蝦頭 $38（2食）：4大個脆卜卜椒鹽蝦頭好香口，我連殼都食埋。
鹽燒魚身 $69（2食）：原來連埋魚骨位，老媽子最鍾意食魚骨位既肉，鹽燒左仲惹味。
打邊爐梗要有個正湯底，店員推介鮮茄魚湯海鮮鍋 （$189），話可以首先飲海鮮湯然後食海鮮，之後先用嚟打邊爐！聽落唔錯！我個湯底有好多海鮮，例如大大隻花竹蝦、長腳蟹、蜆、九肚魚！其餘仲有豆腐、蕃茄同粟米好清甜。
打邊爐食牛肉是必須的。小份既頂級出新鮮肥牛切本地肥 （$269）脂紋好靚色澤又紅，新鮮好有牛味，輕輕滾一滾就食得！黑松露帶子餃 （拼黑豬雲吞王）（$139）：
好特別，第一次食到。餃中包住成粒帶子，黑松露味唔濃但吊味。而黑豬雲吞王用左本地黑毛豬肉加新鮮蝦肉打成，豬肉味重又有咬口。好味！
鮮嫩魚下巴（$119）幾條魚既下顎就喺呢度，雖然係下顎但肉位非常多，可謂啖啖香滑嫩肉，滾1分鐘左右都已經食得。
女王粉 （$39）平時打邊爐會落麵，呢度就有隻自家製麵叫做「女王粉」，口感煙韌，滾至邊沿變透明就食得，吸埋d湯食仲正。
老媽子好喜歡佢地既玄米茶，$18/位茶介醬油都抵既。
张贴
