林記茶餐廳 (已結業)

Item: 林記茶餐廳
Rating: 4
Author: tryo_manchoi

4 食记

味道

环境

服务

卫生

抵食

观塘

$50以下

港式粉面/米线茶餐厅/冰室

tryo_manchoi

等级1

翠屏邨 - 林記生什。響未搬出觀塘之前, 我以為牛栢葉本來應該係黑色嘅。我自細係翠屏邨長大, 每次同屋企人出街一定係去翠屏街市熟食中心嘅林記食早餐, 所以生什, 我細細個就聽過呢個名喇。到後來搬咗, 再大個啲, 我食勻全港我都唔知邊度有生什食, 最後趁今日有事過海, 先順路返嚟翠屏邨, 重拾返呢種久違嘅滋味。林記座落響翠屏邨街市2樓, 以前呢度係只有舊式三塊葉ge風扇, 夏天嚟ge話都咪話唔熱。時代變遷, 呢度已經裝咗冷氣, 不過餐廳環境依然只係一般, 感覺都係有D污糟。不過舊式街市嚟講, 呢方面唔可以期望咁高。講到今日ge主人生什, 其實so called生雜, 配料有牛肉, 牛潤同埋黑栢葉, 再配港式河米麵。以前覺得黑栢葉好醜怪, 但係而家最掛住嘅就係佢。佢俾出面ge普通白栢葉唔同, 更加爽口彈牙, 唔會發水發到好漲好假同埋一陣鹼水味。唔鍾意果陣黑色"衣"ge朋友其實可以搣走佢。啲牛肉好鮮, 唔會乸到爛晒, 又唔會醃到好鹹, 非常好味; 牛潤...我每次都走咗佢嘅。湯底本身係清湯, 冇乜特別, 不過今次叫米粉其實蠢咗, 因為令到本來已經好清ge湯再淡味咗, 下次叫返麵底會好d, 再

翠屏邨 - 林記生什。

響未搬出觀塘之前, 我以為牛栢葉本來應該係黑色嘅。

我自細係翠屏邨長大, 每次同屋企人出街一定係去翠屏街市熟食中心嘅林記食早餐, 所以生什, 我細細個就聽過呢個名喇。到後來搬咗, 再大個啲, 我食勻全港我都唔知邊度有生什食, 最後趁今日有事過海, 先順路返嚟翠屏邨, 重拾返呢種久違嘅滋味。

林記座落響翠屏邨街市2樓, 以前呢度係只有舊式三塊葉ge風扇, 夏天嚟ge話都咪話唔熱。時代變遷, 呢度已經裝咗冷氣, 不過餐廳環境依然只係一般, 感覺都係有D污糟。不過舊式街市嚟講, 呢方面唔可以期望咁高。講到今日ge主人生什, 其實so called生雜, 配料有牛肉, 牛潤同埋黑栢葉, 再配港式河米麵。以前覺得黑栢葉好醜怪, 但係而家最掛住嘅就係佢。佢俾出面ge普通白栢葉唔同, 更加爽口彈牙, 唔會發水發到好漲好假同埋一陣鹼水味。唔鍾意果陣黑色"衣"ge朋友其實可以搣走佢。啲牛肉好鮮, 唔會乸到爛晒, 又唔會醃到好鹹, 非常好味; 牛潤...我每次都走咗佢嘅。湯底本身係清湯, 冇乜特別, 不過今次叫米粉其實蠢咗, 因為令到本來已經好清ge湯再淡味咗, 下次叫返麵底會好d, 再上一次嚟果陣食麵個爽度都唔錯。另外配咗杯凍檸茶, 茶味幾夠幾濃, 唔會好似出面果啲茶記咁淡茂茂。