林記茶餐廳 (已結業)

睇咗食評專登山長水遠試過生什河，一般街坊食品，冇嘜突别！没有想象中驚喜，返而杯檸茶，有6，7片檸檬，非常有檸味，環境衛生真的一般，不要有太高期望，住附近可以當一般大排檔，遠就慳返腳骨力！

翠屏邨 - 林記生什。響未搬出觀塘之前, 我以為牛栢葉本來應該係黑色嘅。我自細係翠屏邨長大, 每次同屋企人出街一定係去翠屏街市熟食中心嘅林記食早餐, 所以生什, 我細細個就聽過呢個名喇。到後來搬咗, 再大個啲, 我食勻全港我都唔知邊度有生什食, 最後趁今日有事過海, 先順路返嚟翠屏邨, 重拾返呢種久違嘅滋味。林記座落響翠屏邨街市2樓, 以前呢度係只有舊式三塊葉ge風扇, 夏天嚟ge話都咪話唔熱。時代變遷, 呢度已經裝咗冷氣, 不過餐廳環境依然只係一般, 感覺都係有D污糟。不過舊式街市嚟講, 呢方面唔可以期望咁高。講到今日ge主人生什, 其實so called生雜, 配料有牛肉, 牛潤同埋黑栢葉, 再配港式河米麵。以前覺得黑栢葉好醜怪, 但係而家最掛住嘅就係佢。佢俾出面ge普通白栢葉唔同, 更加爽口彈牙, 唔會發水發到好漲好假同埋一陣鹼水味。唔鍾意果陣黑色"衣"ge朋友其實可以搣走佢。啲牛肉好鮮, 唔會乸到爛晒, 又唔會醃到好鹹, 非常好味; 牛潤...我每次都走咗佢嘅。湯底本身係清湯, 冇乜特別, 不過今次叫米粉其實蠢咗, 因為令到本來已經好清ge湯再淡味咗, 下次叫返麵底會好d, 再

近排洗多左，所以就黎到翠屏邨街市睇下有咩平野食可以醫肚，結果就黎左林記快餐粉麵檔一試，食物價錢真係幾平下，我叫左一份肉醬意粉，而同行友人就要了一客雞翼拼薯條既套餐。環境來說由於係街市內既關係，地板都比較濕滑，行過都要比較小心，但以餐桌及餐具都比想像中潔淨。食物方面就略為遜色，肉醬既味道不夠濃，雞翼煎得不錯，有不少肉汁鹹味適中，唯薯條可能已炸了一段時間，上菜時已經不熱，但埋單計都只係大約$50，這個價格尚可接受。

其實呢間鋪頭由細食到大,到而家都係長期幫襯呢!!雖然無乜特別, 但係價錢真係幾抵!!今日就介紹下呢個快餐,除左個飯之外, 仲有杯野飲添!!非常抵食, 由於快餐日日唔同...有時會無咁好食,撞啱今日有咖喱, 行運呀!!D牛腩都好鬆軟, 因為佢地做牛腩粉麵起家!!所以D牛腩有一定質素, 可以放心!!呢度做街坊生意, 多飯少飯隨你喜歡!!而且D伙記都幾好傾架!!簡直勾返起好多童年回憶添...