炻板燒 (已搬遷) 新店位置

最近超有人氣嘅日式板燒餐廳，每次經過都見到有唔少客人或者等外賣嘅人。今日難得黎食番餐，原來做緊板燒牛第二份半價，超抵！餐廳係黃店，座位唔算多，所以晚市時段可能需要訂位。我點咗吉列牛小排10片($158)，附送白飯、麵鼓湯、飲品。職員示範用牛脂肪塗均塊板，等牛肉燒個陣唔會咁黏底。吉列過嘅牛小排金金黃黃，打卡一流，每面煮大約幾10秒就有7、8成熟，燒完之後牛小排非常鬆脆，而肉質比較有韌性，肉味香甜，點埋餐廳秘製嘅醬汁就更惹味，整體較為香口。芝士玉子燒($45)，外表好似好普通咁，但係內涵非常豐富，層層嘅蛋中間夾滿流心芝士，蛋味同芝士味十足，唔會喧賓奪主。唐揚炸雞($48)，可以話係我食過入面其中一間整得最好嘅唐揚炸雞。調味合適，唔會太過，而且食落唔油膩，肉質鬆軟，係唔錯嘅小食。