影片
更多
2011-06-09
146 浏览
過去嘅週日有幸同我外國回來嘅好友吃午飯，當然要選城中有名嘅餐廳啦! 由於好友食量奇細，所以決定要帶她吃日本菜，心中鎖定 : Zuma、NOBU、Nadaman。 Zuma 係第一間被out 嘅，因為Zuma星期日做 brunch buffet。 Nadaman 第二間被out ，因為怕1:30pm前趕唔到，order不了懷石。 所以，一confirm咗去NOBU，就立即致電訂枱，餐廳也當然未full了。細食嘅好友order 咗鱈魚西京燒定食 Black Cod Saikyo Yaki Lunch Set ($290)，而我為食得多，所以order 咗有多d 嘢食嘅松久信幸假日午餐 NOBU Sunday Lunch Set ($398)。松久信幸假日午餐可以從8個頭盤中選4個，全部個名都好吸引，唔知點揀，經過侍應先生嘅推介，選了以下4個:- 甜蝦刺身韃靼 (Ama Ebi Tartar)- 金槍魚腩配柚子麵豉汁(Toro with Yuzu Miso)- 香煎帶子配靑辣椒洋葱醬 (Scallop Jalapeno Salsa)- 松葉蟹肉伴多春魚籽配香辣忌廉汁(Creamy Spicy
細食嘅好友order 咗鱈魚西京燒定食 Black Cod Saikyo Yaki Lunch Set ($290)，而我為食得多，所以order 咗有多d 嘢食嘅松久信幸假日午餐 NOBU Sunday Lunch Set ($398)。松久信幸假日午餐可以從8個頭盤中選4個，全部個名都好吸引，唔知點揀，經過侍應先生嘅推介，選了以下4個:
- 甜蝦刺身韃靼 (Ama Ebi Tartar)
- 金槍魚腩配柚子麵豉汁(Toro with Yuzu Miso)
- 香煎帶子配靑辣椒洋葱醬 (Scallop Jalapeno Salsa)
- 松葉蟹肉伴多春魚籽配香辣忌廉汁(Creamy Spicy Crab)
頭盤全都係portion 好細嘅，我特別喜歡甜蝦刺身韃靼(相片右前方)、金槍魚腩配柚子麵豉汁(相片右後方)。 甜蝦刺身韃靼面配有魚子，甜蝦刺身清甜、新鮮。 而金槍魚腩配嘅柚子麵豉汁好fresh，好甜美，雖然個金槍魚腩唔算十分肥美，但同個柚子麵豉汁好夾，係個開胃嘅頭盤。主菜就從6個中選了牛肉陶板燒。 本來鱈魚西京燒應該係主菜嘅不二之選，因為我想多試一些不同嘅食品，所以決定選一樣都係餐廳招牌菜嘅牛肉陶板燒。 牛肉陶板燒是牛肉配上幾款不同嘅菇，上枱時熱辣辣、香噴噴，是色香味俱全之選。 可惜侍應先生上菜時有點大意，陶板上熱熱嘅汁彈到我隻手，令我措手不及。
牛肉在陶板上上枱時大約三成熟，侍應說如果想食熟d 嘅牛肉，就將d 牛肉攤開在陶板上平放。 我當然不喜歡吃太熟嘅牛肉啦，五成熟左右已經好夠。牛肉ok juicy啦，牛味一般，相比好友嘅鱈魚西京燒，我認為鱈魚西京燒正好多、好多!
麵豉湯可算是比較差，對我來說太咸了，我飲咗一半左右就放棄咗。記得之前在鮨福助飲過麵豉湯咸度適中，係可以好好味嘅。喝過麵豉湯之後，是飯/麵。 選擇中嘅三文魚及油甘魚刺身丼，同雜錦壽司都好吸引，而我就決定放棄刺身丼，選擇雜錦壽司，要看看壽司師父握壽司嘅功力。
最後，甜品繼續8個選1個，侍應推薦朱古力/ 心太軟愛好者選擇朱古力便當盒，而我想要一些精緻d 嘅，侍應先生就推介咗威士忌咖啡杯比我。 威士忌咖啡杯有4層，最好用匙羹插入底，一口同時食下4種不同texture及味道。印象中果4層係Coffee cream、可可脆脆、牛奶gelato 同 Whisky foam。甜味剛好，好有層次!
而好友嘅鱈魚西京燒定食包括了沙律、麵豉湯、白飯。NOBU 嘅鱈魚西京燒係招牌菜，聞說銀鱈魚先要用味噌醃兩至三天才照燒而成，碟邊再配上柚子麵豉汁。魚肉好嫩、超級鮮甜，同個醬汁極為匹配。必食!
餐廳嘅服務整體講算唔錯，話哂都係五星級酒店內嘅國際知名餐廳。令我最impress 嘅係餐廳好尊重訂枱請客嘅主人家。事緣是，當我還在品嚐我的甜品嘅時候，我嘅好友扮去洗手間打算先結帳，要請吃飯，但餐廳好幫忙，問我的好友是否訂位者，如果不是訂位者，餐廳要詢問一訂位的主人家意願，才可讓賓客結帳。所以，最終，我好友跟我爭比錢嘅計劃是失敗嘅，醒目的餐廳令我可以一盡地主之誼請她吃飯。所以，我比餐廳嘅服務十個讚呀！期待weekdays 再去NOBU 試埋Signature Bento Box 同其他嘢食！
张贴
