樂酒場 がくさかば

营业中

休息中

今日同朋友去尖沙咀白蘭軒道「樂酒場」開餐，之前幫襯過覺得唔錯，今次專登帶朋友嚟幫襯！我哋叫咗好多嘢：頭盤～三文魚層層疊，店員用火燒芝士，未食已經聞到陣陣香味，原來芝士同三文魚可以咁夾！海之率TACO～脆到癲，紫菜包住爆膏魚籽，咬落卜卜聲！解禁丼～果然要解禁，三文魚子+拖羅蓉+蟹肉+帶子等，加埋九個格，要嚟撈飯，真係鮮味到不得了！串燒盛盒好抵食～燒雞皮脆過薯片，仲有雞翼，雞腎，雞肉腸，燒得啱啱好，入邊仲好Juicy ！最驚喜係雞皮餃子～雖然邪惡，但點都要食埋呢一次先算，因為太好味😂芝士醬厚燒玉子~就爭啲，芝士太搶鏡蓋過蛋香 !吉列童星蝦~真係童年回憶返晒嚟，脆漿薄蝦肉爽彈，點埋沙律醬無得輸 !飲品方面 : Suntory生啤夠冰凍 !但自家製蜂膠檸檬HIGHBALL先係MVP，酸甜balance仲有淡淡蜜香，解膩一流！ 總括嚟講，呢間餐廳食物款式繁多，店員有禮，坐得舒服，同朋友食飯傾偈，不錯的選擇！