東昇樓海鮮酒家

营业中

休息中

好耐冇見老友，雖然山長水遠，都入東涌探下佢，去咗東昇樓海鮮酒家晚飯，但今次好特別，冇食海鮮，食小菜先叫個例牌燒鵝試下，皮燒得脆，皮同肉之間冇乜肥膏，選材唔錯，啲肉唔韌，醬汁唔鹹都算入味跟住嚟嘅係椒鹽鮮魷，食材都係一樣幾新鮮，炸得剛剛好又有咬口，漿粉都算薄，椒鹽嘅份量都算適中老友話梅菜炒菜心好食，上菜都算香，梅菜應該浸透唔會太鹹，碟菜炒出嚟唔油膩，原來梅菜拌菜心一齊食，多一分鮮甜又唔差喎最後係煎鹹魚肉餅，可以話抵食夾大件，鹹香夠，肉餅嘅咬口幾好呢度嘅小菜都算有水準，有機會先再嚟食海鮮啦！