影片
更多
2025-06-02
223 浏览
Nana’s green tea價錢: $128/ $88/ $88/ $88/ $88/ $52好味程度: 3.7/5服務🍴: 3.7/5環境🗾: 3.7/5性價比🥢: 3.7/5回頭率😚: 3.7/5-Nana green tea係啟德開嘅時候已經想試，但一直未有機會。今次去到黃竹坑唔知食咩嘅時候就諗起佢了！呢間來自東京嘅人氣茶室，以京都抹茶炮製一系列飲品甜品等，全部都係茶茶茶，啱晒一眾茶控💚晚市有餐，主菜跟飲品，仲可以優惠價加購甜品。-✅✅海老蕃茄豆乳烏冬。烏冬係少少扁而幼滑嗰隻，掛汁能力非常高🥰海老味好濃郁，加少少蕃茄嘅酸maymay，有驚喜地算係重口味😋豆乳嘅味道只係隱約食得出，令到成碟烏冬感覺清新啲，但又保留濃稠嘅口感👍🏻唯一覺得啲蝦可以大隻啲同埋唔係用呢隻雪藏貨。-✅鮭魚昆布絲柚子茶漬飯。清爽之選🌬️珍珠米配上好多熟嘅三文魚碎，同酸菜、昆布絲、柚子胡椒，淋上可以自選嘅鰹魚湯或者茶，個人鍾意食鹹d，所以揀咗鰹魚湯。以湯浸泡過嘅米飯容易入口，但唔會太軟爛。有啲三文魚嘅鹹香同埋柚子胡椒嘅新香，食落好開胃😗-✅抹茶蕨餅芭菲。呢間啲巴菲算係幾有誠意！忌廉、抹茶雪糕、紅豆蓉、蕨餅、牛奶
價錢: $128/ $88/ $88/ $88/ $88/ $52
好味程度: 3.7/5
服務🍴: 3.7/5
環境🗾: 3.7/5
性價比🥢: 3.7/5
回頭率😚: 3.7/5
-
Nana green tea係啟德開嘅時候已經想試，但一直未有機會。今次去到黃竹坑唔知食咩嘅時候就諗起佢了！呢間來自東京嘅人氣茶室，以京都抹茶炮製一系列飲品甜品等，全部都係茶茶茶，啱晒一眾茶控💚晚市有餐，主菜跟飲品，仲可以優惠價加購甜品。
-
✅✅海老蕃茄豆乳烏冬。烏冬係少少扁而幼滑嗰隻，掛汁能力非常高🥰海老味好濃郁，加少少蕃茄嘅酸maymay，有驚喜地算係重口味😋豆乳嘅味道只係隱約食得出，令到成碟烏冬感覺清新啲，但又保留濃稠嘅口感👍🏻唯一覺得啲蝦可以大隻啲同埋唔係用呢隻雪藏貨。
-
✅鮭魚昆布絲柚子茶漬飯。清爽之選🌬️珍珠米配上好多熟嘅三文魚碎，同酸菜、昆布絲、柚子胡椒，淋上可以自選嘅鰹魚湯或者茶，個人鍾意食鹹d，所以揀咗鰹魚湯。以湯浸泡過嘅米飯容易入口，但唔會太軟爛。有啲三文魚嘅鹹香同埋柚子胡椒嘅新香，食落好開胃😗
-
✅抹茶蕨餅芭菲。呢間啲巴菲算係幾有誠意！忌廉、抹茶雪糕、紅豆蓉、蕨餅、牛奶軟雪糕、穀物片、抹茶啫喱。層次非常多，而唔會過分甜味，主要甜味都係來自紅豆🫘抹茶雪糕連埋抹茶啫喱食甘苦味都食到。蕨餅大大嚿，係偏彈牙有口感嗰隻。
-
✅焙茶白玉芭菲。忌廉、焙茶雪糕、焙茶蓉、白肉、穀物片、牛奶軟雪糕、焙茶凍。呢款嘅甜度會比抹茶高少少，因為焙茶蓉偏甜，但就食到焙茶嘅碳焙香味😬焙茶雪糕比抹茶雪糕嘅濃度更高，真係有少少苦澀，焙茶朋友一定會鍾意！
-
✅宇治京都抹茶配抹茶生朱古力。呢款宇治抹茶係特濃版本，用茶刷完美融合茶粉同水，形成濃濃嘅抹茶，味道甘而不苦，亦唔會飲到成口粉漿🍵配上抹茶生朱古力，軟滑苦甜，一啖朱古力一啖抹茶，一甜一甘苦，正🤤雖然佢單品價格比較高，但係因為佢真係特別濃郁，所以都值得。
-
✅黑芝麻牛奶白玉黑芝麻雪糕。黑芝麻牛奶雖然唔係特別濃郁，未算水水的，加埋黑芝麻雪糕味道就香濃少少，白玉一樣煙靭。以日本芝麻粉開嘅芝麻奶都唔會差！
-
雖然主打甜品同飲品，但主食都唔差，亦唔算太貴，鍾意茶嘅朋友仔可以試試
张贴
