海星特式茶餐廳 (已結業)

間野開左幾年，初初都幾好，雖然比一般的茶餐廳貴，但款式多又特別同用料都ok.咖啡亦算幾好。但近幾年真係差左好多。早餐越來越貴，炒蛋又加兩蚊，肉丁又加兩蚊，金牌咖啡又加三蚊，個餐都已經過廿蚊，係咁加，三十蚊個早餐都食得出，我已經唔係咁鍾意去，但我老公又鍾意佢杯咖啡。咁今朝又去啦。點知杯死人熱金牌咖啡埋到來成匙羹油蒲面，問佢點解叫佢換，仲要幾個阿嬸樓面圍住晒係度話唔係,係乜野咖啡本身係有油。頂你！真係當我白痴。我都知咖啡本身有油，但唔係沖完出來重有呀，仲要咁多，成碗未隔油0既湯咁呀。再加上的粉呀麵呀，多士呀，蛋呀火腿全部都凍冰冰。真係火滾到爆。我係試一次係食到熱野，不過要等成半個鐘囉。因為個廚房等埋幾份先一齊開爐炸丫麻。問個阿嬸，又係開口即係話都唔係耐。半個鐘等個普通早餐唔係耐，真係當d客全部低能弱智0既 唔洗旨意我會再幫趁呢間野。