海星特式茶餐廳 (已結業)

今日就去到呢間海星叫左個午餐餃子豬扖飯配咖喱汁，黎到大大份，睇落都幾吸引，個咖哩汁用左日本既甜咖哩汁，帶Ｄ辣，幾惹味，汁同飯既比例，汁係多左少少，好彩Ｄ飯無去到好濕。到個豬扖喇，我個人真係好唔中意扖類入面加左鬆肉粉，而佢個豬扖正正就係我唔中意既鬆肉粉豬扖，所以Ｄ有唔開心，另外就係塊豬好肥，有好似成半塊都係肥膏。到講個餃子，有兩隻餃子，餃子偏細，但個皮炸得幾脆，餃子個整體都還可以。所有野既整體都OK啦，但對於一個$42連野飲既午餐，都算係咁喇。我同同事都１點前到，所以都唔洗等位，上菜時間都好快，如果係番工放lunch都係一個唔錯既選擇。

新一年係朋友屋企麻雀耍樂，玩到晚飯時間大家都唔想落街食，咁梗係叫外賣啦！不過眾人都唔想叫pizza，又唔想食m記雞記呢d無新意既外賣咁就搵左間茶記外賣試下，不過就無得送到屋企，要外賣自取。落完單，等15分鐘去拎餐。不過要留意係有太和同大埔墟2間唔同分店，千祈唔好叫錯隔離因為小弟就係叫錯左，搞到要搭的士去拎，真係喊出黎千辛萬苦咁拎左外賣終於可以開餐餐湯叫左白湯 驚喜忌廉湯夠晒濃郁！加左少量香草令到味道變得清新！而且餐包竟然係牛角包！雖然運送過程搞到個包變形，但係食落好鬆軟！主菜肉醬意粉配吉列蠔肉醬意粉保持到高水平，芝士味岩岩好，唔會太濃或太淡，意粉都好入味吉列蠔入面加入芝士！但略嫌同芝士肉醬有d「撞味」，另外因爲外賣原故，時間等得太耐，吉列蠔外邊已經開始淋唔夠脆無注意到食物唔係第一時間食呢個問題，小弟叫餐亦都有責任總括味道都算合格埋單4個餐300，有d貴

話說, 小弟今日去完大埔帶住是是但但的心態搵野食 (小弟其實係一個好古寒的人，所以食野都會好睇價錢)咁岩行過見到有間海星餐廳，入面好似幾有氣氛咁門外見到佢個餐牌價錢都唔算太過攞命，算合理所以就入左去試試(其實對死肥佬黎講算係高消費 /___\ )　　食一次半次好了咁我就點左個 602 羊鞍意粉 ( 個名太多字 ~_~ 想知全寫就自己睇番個圖) 　而同行者就食左個 606 豬扒腸意　一開頭一人有一個忌廉湯同餐包仔個湯好好飲，但味道比較重左少少落完單等左大約１０分鐘左右就有得食，正！ 豬扒腸意同行者：個味道ＯＫ是的，個汁都好岩心水，但係個豬扒比較難搞，因為佢乳豬全體咁，成塊上碟羊鞍意粉嘩嘩嘩，依個我食得好開心雖然佢個伴碟有啲凍，但都影響唔到我死肥佬個食慾佢個咖哩味唔算太特別但係佢羊仔真係好好味，由於小弟詞窮，所以除左好味真係唔係太識點形容２個人食依個價錢差不多啦整體黎講依個價錢有全套野食都算係街坊價只係小弟比較節儉　哈哈餐廳入面有其他野食都好似幾吸引小弟下次試下個鐵板餐先　

假日晚飯時間，好好彩去到唔使等位，最後一張L形大枱，最啱一班朋友。 呢次我們就要同人share table！餐廳的晚餐，散點，有很多選擇。有焗，有炸，有石煱飯，有鐵板燒... 而且價錢實惠。鍾意食芝士的我們，叫左同芝士配搭的晚餐。晚餐有餐包餐湯，餐茶。餐包係西樵大餅。煙三文魚雞扒芝士茄汁焗意粉意粉面鋪左一層芝士去焗，加埋D茄汁，好正！三文魚有數大片，好豐富，不過雞扒味道麻麻。吉列豬扒豬肉腸芝士焗飯大大件的吉列豬扒，唔油膩！ 

大埔★海星茶餐廳lunch一條友仔唔知食嘜唔想食飯，都係去茶餐廳搵最愛既常餐食記得第１次黎幫襯係有地頭蟲介紹佢既凍咖啡好好飲佢地會灑d咖啡粉係面，飲落好香濃，不過好似係用台灣既奶精，感覺上唔太健康都少飲左...每次黎到又係諗都唔洗諗就叫個常餐（$35）。先黎個肥仔大愛奶油脆豬配火腿奄列wow，都幾重手下，唔記得少牛油添唯有自行加工脆豬烘到脆卜卜，唔小心d食真係成身都麵包碎..哈哈～依度用既豬仔包口感唔錯，唔會食落好似食空氣咁。放係奶油豬隔離，火腿奄列都無訂企擺明係配角，味道不過不失啦。- 雪菜肉絲米：不嬲都幾鐘意佢依到既雪菜肉絲米，湯底清清地，米粉夠彈牙，最重要係ｄ雪菜估佢唔到咁香- 熱鴛鴦：茶味唔夠濃但飲到好香咖啡味，依到既咖啡粉真係唔錯下次都係飲番咖啡有保証ｄ～

豬扒芝士撈丁丁丁丁😀😀$35改左用碗裝住濃稠既芝士醬 仲有粟米粒添 可以隨自己口味倒醬😙😙 濃濃芝味 一丁煮得剛好 夠韌有彈性 唔淰身😆 冇左之前食到既粟米片味😂 豬扒煎得金黃🐷✨✨個人覺得唔太夠醬🙈 可能我重口味😂😂 因為友人都食淨啲 而我....虎視眈眈咁gup住佢兜醬😂😂 所以芝迷可以落單前叫多醬 芝士粉任落添😏for cheese loverssss💓💓💓肉醬意粉一定係頹野?!nonono👋👋芝士多到咁😍😍宜家拉芝士瘋起勢咁吹💨💨 成日俾芝士拉排骨芝士拉叉燒芝士乜乜乜咁洗版😳 原來呢到既肉醬意粉都可以鬥拉wow😎😎 芝士落得闊焯 好氾濫xd 旁邊仲有火箭菜同車厘茄 成件事好似高級曬咁xd芝士拉成尺咁高有眼睇跟焗意粉餐送既奶油豬仔硬多過脆身🙈 可能即刻食會好啲🙊 但對鍊奶牛油又不能抗拒 所以不捨得放棄佢😂😂

日式番茄咖喱同d正統咖喱唔同在於前者系甜既啦既，後者系鹹同辣。那個餐…..系夠甜，因為好似落左好多番茄醬，但唔辣，或者可以講話係超級無敵勁爆小辣 orz 雖然都食到番茄肉，有翻d酸味，感覺真實小小，但其實都好味唔到去邊。同埋d魚柳配白汁會夾過同番茄醬，笑左，都唔知講咩好。咁樣都要$44….. 大家可以試下叫其他餐既，餐牌比埋你地睇啦，自己揀。Ps 其實之前食過幾次，都ok既，今次真係好中伏咁解既。呢間野比較重手，重口味既會中意，食得清淡既朋友三思。

今日假期去大埔諗住食一樂，點知佢門口貼左張紙話休息成個月，真係不可思議！之後就去左依間算係裝修企理啲嘅海星餐廳，食午飯時間全埸爆滿，好彩等一陣就有位，見佢都有好多選擇，今次我點左"咖喱吉烈豬扒飯$38+$5招牌凍咖啡"!凍咖啡先到，味道不錯咖啡味道有層次感！之後到豬扒飯，賣相中規中舉，白飯上更加了一點香草，但吉列豬扒比較白色，係豪大大炸雞扒的炸法去炸依個豬扒，而唔係金黃色的狀態不是我心目中的炸豬扒！依個飯豬扒夠大塊，但除了顏色徧白之外，吃落去嘅時間，吉烈外皮係完全跟豬扒分開的，但咖喱汁夠多同味道亦不錯，同埋佢嘅薯仔亦軟硬適中，所以我好快就張成個飯K.O曬！總括嚟講作為做街坊餐廳嚟講論價錢同味道都算係可以的！支持有心做嘅小店！

其實當天即日已特登download這個apps寫食評；不知為何消失了？那天我放工路經這間餐廳，點了「咸豬手粒配蛋炒飯」；餐牌上的文字及圖我有清楚看過，並無晚飯後一律變焗飯的字句，侍應也沒有說明，餐廳四周也沒有任何文字或圖說明。結果送來的無厘頭變了焗飯，一劈「傑撻撻」的東西蓋在飯上面，坦白説原本極餓的我胃口頓時速降至零；詢問侍應原因，她態度傲慢地回答一向如此，晚飯一律變焗飯？有冇搞錯？菜色不是客人挑選是餐廳愛弄甚麼我們便要吃甚麼嗎？不要批評我「俺尖」，人付錢吃飯至底要求也是可以自己挑選吧！我不吃焗飯的吖！結果我付了款把食物拿走餵狗了～希望這次可以給我反應🙏我實在太生氣了😡😡😡這間餐廳簡直是劣中之劣！我會落力替它好好宣傳的

與老公來這裡晚飯見到有些人點農夫包我也好想試吃農夫包,,但喉嚨痛>.<"最終點了海鮮闊條麵老公則點了鐵板餐海鮮闊條麵的配料size不會太細件有青口﹑魷魚﹑蝦﹑蟹柳&炸蝦,,配料算是豐富!有很香的芝士味,,但仍略嫌整體味道較淡口..因白汁味不夠濃!!闊條麵份量夠我吃,,但對男生而言就較少了!!鐵板餐點了牛扒,,聞說也不錯~~整體而言,,算是還可接受喇~~

海星個名雖然話系茶餐廳，但係入面D野食睇menu都幾高級。價錢我覺得算合理，星期日夜晚食一餐$6x都接受得到。menu見到 $5x - 7x都有，自己揀自己負荷到既野就ok，岩REU 一班人去食。 門面細，入面大，好多位，仲有L字形大枱，圍埋一齊坐好開心。日式板燒牛肉煎雞扒焗飯，個人極力推薦，D牛肉夠咬口，雞排夠嫩，D汁撈埋白飯很好吃噢！個人極力推薦呢個！D牛肉好入味，但又唔會老，岩岩好。煎雞扒好香，雞扒入面咬落有雞汁，原汁原味。唯獨今次D醬落得太多，有小小鹹，如果食可以叫少汁，應該岩岩好。呢個係芝士汁液煙三文魚雞皇焗意粉。 三文魚我個人麻麻地，所以係朋友叫既。但係我食過，D芝士真係好濃郁，夠芝味。雞就唔及上面個煎雞扒香味，但中意芝士既朋友應該like。香煎牛柳粒焗飯配印式咖喱。um，D牛肉好味，同埋分量都好多，幾抵食！不過配咖喱我個人食唔慣，我會想佢配芝士去焗，覺得會香d，但係中意咖喱既朋友可以試下，朋友食就話佢D咖喱都幾好味。

如果貪大份飽肚，一餐有齊湯包野飲，環境闊落坐得舒適既話，海星既晚飯可以一戰。但若對食稍有要求既話，唔會幫襯海星。晚餐收得唔平，六七十蚊上落。叫左碟咸豬手粒炒飯。成碟飯好易整，炒底，鋪幾粒肉，倒茄汁，鋪芝士，焗，搞掂，完全無廚藝可言。食落好濃味，因為啲茄汁夠辣夠重口。但你諗真啲，若果食材夠靚，點會有人用咁重口既汁去蓋過晒啲食材味？無錯，咸豬手粒係無味既，所以先要用汁搭救。雖然佢收得貴，又成個套餐咁上，賣相又唔錯，但識食既人就知呢碟飯係頹野，用最少功夫就煮到出來既慳皮貨色。去正宗茶記食碟涼瓜火腩飯好過啦。環境係唔錯，但啲侍應好唔掂。打扮mk唔係問題，問題係要知道自己做緊侍應，對客要有禮貌，要有笑容，令人感覺舒服。我食飯時打完風無耐，靜影影，侍應就自己圍內嬉皮笑面咁玩。呢啲我唔會介意，人之常情。但一望住我就黑返塊面，眼甘甘啤住我，又無笑容又唔識講野，令我覺得唔多自在。大佬我係客，應該要有受尊重既感覺。侍應親切啲，錢都畀得甘心啲。最後餐飲叫熱奶茶，見係啲mk侍應沖，已知不妙。飲左兩啖，毫不婉惜咁擺低走人。飯已經係頹貨，頹奶茶更不容姑息。奶茶呢啲咁考究功夫既飲品，梗係要老師傅先識沖啦。憑你地班唔

住了大埔幾年，這餐廳只去過吃下午茶，一直都沒有試吃正餐，直至今次，才知道除了凍咖啡外，還有好吃的麵包套餐。凍咖啡香濃，又大杯已是一早知道的事（次次也忘記拍照），但今次試了一個平日無機會試（下午茶時段沒有）的麵包套餐才是驚喜。外層豬仔包超香脆，裏面是磨姑忌廉汁，有大大件姑加雞肉，好味，喜歡吃麵包的話更不要錯過～～唯一問題是有點貴～～

雖然名為茶餐廳，實則賣西餐(港式)多叫左兩款餐:落錯意粉做飯都算啦，如果好食的話。可惜係，一黎已見食物已經凍左，白汁賣相都算呃得下人既，食落就真係呆左，雞係烚既，三文魚完全零口感另一款: 呢款一睇我就覺係伏，兩種汁mix埋一齊令到食物味道已經唔再重要，明明嗌左羊鞍，食落就唔多搵到羊味，只係一堆汁飯就更加唔洗講，已經唔知食緊乜，呢味應該叫咖哩汁，飯餸只係配菜，食幾啖已經滯咗白湯一般偏淡，羅宋湯微辣還好，餐包冇熱過。。成餐唯一可取係杯熱阿華田。呢個價，真係食YLK，花園餐廳都好過佢，唔明點解走個陣竟然見到有人等位食呢間，係咪大埔冇西餐揀搞到咁？sosad

開完會已12點幾，正好偷閒食埋lunch先返公司作戰。經過呢間茶餐廳見裝修幾骨子，有卡位又有電視，即管試吓啦！除lunch set外，亦有咖喱同丁麵餐選擇。左諗右諗，都係食番午餐。雖然係茶餐廳，都等咗好一陣先有得食。期間見到對面食客嗰碟京蔥醬爆肥牛飯，心感不妙。只有數片肥牛及以生粉獻汁調味，真係有啲後悔入咗嚟；但見店內咁多食客，唯有相信差極有限。差唔多成10分鐘，我碟飯終於出場。睇落賣相都唔錯，大大塊吉列豬扒、以濃濃嘅茄汁圍滿碟邊，並有少量椰菜同蘿蔔絲伴碟，製作用心。相信等候需時係因為食物是即叫即做。豬扒熱辣辣，外脆內軟，但略嫌脂肪太多。紅紅嘅茄汁相當濃，足滿茄膏味道，酸中帶甜，味道不錯。飯亦能保持溫度，軟硬適中。無辣不歡嘅我見枱面冇辣椒油提供，於是乎問店員索取。竟然係一整支李錦記辣油，有趣…