Sweet Secrets (已結業)

Item: Sweet Secrets
Rating: 3
Author: caketionary

3.5

68 食记

味道

环境

服务

卫生

抵食

481

中环

$50以下

西式面包店外卖店小食店

caketionary

等级3

@sweetsecretscakes ————————————————————
可能適合對象：#全素蛋糕 #杞子香橙蛋糕 #無麩質蛋糕 #無蛋無奶蛋糕
甜度（5星最甜）：⭐️⭐️⭐️⭐️
濃度（5星最濃）：⭐️⭐️⭐️
🍴：餐刀 ✔️ / 蠟燭 ✔️ / 冰袋 ✖️/ 紙盒✔️
🏷：✔️（另加）
💬：Very Energetic 嘅感覺，唔知係ABC or CBC or whatever C，好明顯有分別嘅感覺。一入去就有人好開心咁同你講Good Morning，加埋個好真心開心嘅笑容，走嘅時候提我哋要放蛋糕係室溫，仲預祝我哋新年快樂。外國味濃厚，好Like！
🛒：中環 #cakeup_中環站
🔘：個裝 6”
💰：$738
————————————————————
性價比：中

新年流流，首先祝大家新一年身體健康，事事順利！而Caketionary就襯住今日同大家介紹一個充滿新年味嘅蛋糕！

近年嚟，越嚟越多人注重健康，又或者多咗人容易敏感。（就好似我咁，自我唔再飲咖啡加奶，下巴嘅暗瘡冇晒）而我亦知道有好多人食完奶類製品會搞肚痛，成肚氣！再者啦，身邊亦都多咗好多朋友關注到環保議題，提倡唔食肉、蛋或者奶。種種原因，其實都係想幫到自己，幫到動物，幫到個我哋愛嘅地球！但係若然真係有需要搵𠵱種蛋糕，一下子搵，就頭痕啦，因為首先未食過先啦，唔知品質；二來，𠵱種因應食客要求而造嘅蛋糕，多數都未必做到大眾化價錢，所以買到又貴又唔好食，就 __ __ 啦！（自己填啦）

今次介紹嘅係一間由1999年開業嘅餅店，自2011年開始，由於餅主留意到香港缺乏不含麵筋、不含白糖、不含蛋奶品嘅烘焙產品；更加佢好肉痛見到小朋友因為蛋糕ingredients唔適合嘅情況下，買唔到生日蛋糕。佢就係想做到高品質，或者可以做到同普通蛋糕無分別嘅Vegan或是 Gluten Free蛋糕。因為理念，就成為香港首家出售合乎原始人飲食法、不含麵筋、不含白糖、不含蛋奶品嘅烘焙產品餅店。

而我哋今次試嘅係佢哋為新年而出嘅新蛋糕 — 杞子香橙蛋糕！個Favour 對我哋嚟講感覺好中式，啱晒新年。純用到杞子、香橙、有機椰油、椰子Cream，椰糖去做。究竟冇蛋、冇白糖、仲要Gluten Free嘅蛋糕味道如何呢？

首先，unbox一刻，一打開盒，好香柚子或者桔仔味（其實我唔知點解聯想到話梅）。而賣相上，面頭上有3支康乃馨，配上一個以糖膠做成嘅福字作為裝飾。旁邊亦以白色Cream襯橙色，睇落迎春接福感濃厚。

講到口感，濕潤度高，油脂感好重。最令人感到油脂感重，應該係Cream。看似好企身嘅Cream，一入口，即由Cream狀變為水油狀。而蛋糕糕身，口感係似一整舊椰絲咁，其實的確有啲似食緊Carrot Cake。同時，亦好奇妙，質感亦令我聯想到好似係海灘度，好濕好濕嘅沙咁，一手嗱起好似好實，但係一叉落去會散開晒。（不竟無蛋，所以咁嘅Texture其實好正常）順帶一提，切蛋糕一刻好療癒，一切落去，啲Cream係可以切到有90度，好公整，OCD嘅人會好High！

而味道上，椰子味好重，有啲重過橙味同杞子味。可能主力用到椰油同椰糖，成個蛋糕真係椰味濃。不過Cream當中，抑或蛋糕本身都會食得出橙味，只係椰子味戲分多啲。至於杞子方面，就唔太食得到，可能本身未原粒食過，唔知乜味。但你切開個蛋糕時，係肉眼見得到有嘅。

整體嚟講，甜度幾高，味道上亦會以椰子味行先，再到橙味，最後係杞子。油脂感真係幾重，但可以放心，就算油都係天然Healthy Fat。若然你明白同試過食Western一啲嘅蛋糕，亦較為Prefer Western Style嘅蛋糕，佢會係一個Option（但據了解，好受Local Fans歡迎 too）

最後，又俾一個比喻，如果你一向食開牛扒，無啦啦食一塊扮牛扒嘅素牛扒，就算塊素牛扒點好味，都會有分別，所以如果要比較，點都有啲唔公平。至於，若然你係prefer 同食慣用蛋用奶做嘅蛋糕，最好就有一個接受新食物嘅Mindset，可能會Fair啲。
————————————————————
#cake #birthday #蛋糕 #生日 #生日蛋糕 #birthdaycake #hongkong #hkig #香港 #香港限定 #hkbakery #caketionary #caketionaryhongkong #呃like #相機食先 #vegetarian #vegan