瘋狂小面 (佳德商業大廈)

营业中

休息中

身为嗜辣者，当然就不时都要去揾辣野食，中环有间辣面店一直想食，本地店但获奖，主打正宗四川菜，岂能不试！环境位于中环旧式大厦一楼，本来都以为系小店，但去到一楼都见到好大间，同埋有花心思装修，尤其是收银处叫掌柜几搞笑。餐牌以食辣面为主，主要都系食set，都有钵钵鸡同其他食物。疯狂牛肉面套餐 $98包哂面、饮品、小食及甜品四款都系$98。小食拣左蒜泥青瓜，质素正常。甜品选成都老冰粉，为食辣之前打底。疯狂牛肉面选了BB辣，入口麻香较重，辣度低，食辣BB班绝对无问题，牛肉有啲带软筋位，增强口感，面质可挂汤，能品尝到汤底。疯狂大排面套餐 $88包括面、饮品及小食三款就$88。呢份套餐小食就加钱要咗棒棒鸡(+$32)，唔系平时食开嘅鸡丝形状，而系片状，辣劲十足。至于大排面就叫咗小辣，都唔算辣好多，大排肉质松软，比起牛肉我更爱呢款！总括而言，会保持正宗川菜嘅风味，本地店做到呢种水平难怪获内地颁奖，想一尝正宗四川菜嘅不妨嚟试下。