和平餐室 (深水埗海達)

营业中

休息中

同事今日要搬去深水埗海達邨，幾位同事都嚟幫手，攪咗大半日先攪掂，大家都覺得肚餓，走咗落商場和平餐室食晚餐，餐廳係新開不久，燈光明亮，地方整潔，座位舒適，招呼週到。食物亦多元化，迎合不同客人的口味！懷舊雜扒餐，奉送餐湯、沙律。鮮茄濃湯酸酸甜甜好開胃迷你油醋沙律，沙律菜新鮮爽脆，酸酸地好醒胃。懷舊雜扒份量十足，有雞扒、豬扒、煙肉、腸仔、煎蛋，疊至幾吋高。雜扒熱辣辣用鐵板上枱，有齊鮮嫩厚肉豬扒和雞扒，煙肉煎得香口。配濃稠的黑椒汁好惹味！鮮果咕嚕肉：咕嚕肉係用咗豬頸肉做，特別有口感，炸至外層香脆，每件都沾上咕嚕汁，再配上新鮮菠蘿，酸酸甜甜特別開胃。瑤柱肉鬆蒸水蛋：水蛋中間有肉碎，香滑中帶有口感。銀芽金菇肉絲脆麵：將麵的兩面煎炸至金黃，鋪上用銀芽、金菇和肉絲做的芡汁，拌勻食用，香脆可口又惹味！朱古力榛子咖啡：甘甜的咖啡配上濃厚香滑的朱古力榛子，正好誘發出咖啡的香氣，達到完美平衡！紅豆冰：香滑花奶飽滿軟腍嘅紅豆加上碎冰粒 ，是夏天不可缺少的飲品。凍檸茶：茶味突出又不失檸檬香，有清甜雅致的風味！