和平餐室 (深水埗海達)

营业中

休息中

今日我11:30去食午餐 仲未多人，佢一定要我黐牆坐好迫，我話我想坐收銀側邊四人枱 佢話咁要搭枱 我覆冇所謂 佢態度已經麻麻哋 我都知佢要顧住收銀，咁啱我唔記得帶電話落唔到單 好聲好氣問佢攞餐牌 佢都幾惡咁叫我等佢我都咪等囉 但係我見佢同個地盤工都有說有笑 初初我以為我比較面目可憎 後來有對夫婦話要坐我隔離嗰張四人枱佢都唔俾 之後態度都非常差，搞到人哋兩夫婦頂唔住要鬧佢添 所以證明唔係我問題 係佢睇人嘅問題 好似牛奶公司咁餓死都唔敢再去食Ps 呢個女姐姐職員職位好似高啲咁 大晒咁 投訴都冇用 所以我決定以後唔敢去食

叫咗杯凍0茶少冰結果滿冰，同店員講，佢就俾個杯我叫我自己不出黎🫤完全冇唸著換翻杯比我，淨係叫客人自己解決🤭之後個飯裡面有條毛，店員連佢唔好意思都冇 ，淨係問要唔要比翻d飯，就直接收走咗服務態度不太好😝

深水埗和平餐室，新開餐廳地方寬敞座位舒適，仲有親民嘅下午茶套餐.乾炒牛河套餐，河粉炒得非常乾身並無過多油膩，牛肉片非常嫩滑，加上豆芽香蔥炒得非常香口惹味，套餐免費即磨咖啡.

今晚茶記晚飯在「和平餐室」，食物很有大排檔風味，坐得比大排檔舒適。鮮鳳梨咕嚕肉~一道非常開胃菜餚，微甜微酸的味道，色澤也吸引。椒鹽腰果鮮魷~包裹鮮魷的炸脆漿很香脆鬆化，併脆腰果有雙重口感。蝦皇醬通菜炒牛肉~蝦皇醬味道不鹹口，炒通菜牛肉可提鮮提香。銀芽金菇肉絲脆麵~脆麵固然酥脆可口，淋上獻汁也爽滑美味。星洲炒米~少少的香辣，滿滿的鑊氣，十足的冶味。黑牛、白牛特飲可提供的茶記不多，仙草樽仔奶茶很不錯，特飲跟餐半價好抵飲！ 

今日天氣轉冷，北風呼呼，經過海達邨的「和平餐室」，門前放了“羊腩煲”的樣版，正合時宜，於是和家人入內晚餐。餐廳裝修簇新，光潔亮麗，給人一種整齊的感覺。餐廳晚市主打港式粤菜，有多種菜式選擇，一般小菜都附送白飯及老火例湯，並可以特價追加飲品。這裏亦用QR CODE 掃碼點餐，網頁圖文並茂，容易使用。“古法雙冬炆羊腩煲”，跟營菜籃及白飯。羊腩用不鏽鋼鍋盛載，雖然叫做一人鍋，份量不少，足夠二人份量。配菜非常豐富，有乾、鮮兩種冬菇、秀珍菇、金菇、馬蹄、竹筍、豆卜、生菜、南瓜......等，下面用慢火暖住，吃起來特別滋味。羊腩肥瘦適中，無羊羶味，肉質爽口入味。“土炮咖喱牛坑腩煲”，傳統口味，香辣惹味。牛腩炆得很腍軟，而且入味，配上青椒、薯仔，送飯一流。“柱侯枝竹豆腐火腩煲”，熱焫焫用瓦煲奉上，份量不少，火腩肉層次分明，肉質彈牙多汁，口感不錯。配菜有枝竹、豆腐，同樣炆得入味。附送老火例湯是蓮藕煲豬骨湯，非常足料。以優惠價錢追加的飲品：阿華田、好立克。吃完一頓豐富晚餐，渾身暖透，而且味道不錯，價錢又實惠，性價比極高。

安排欠缺人性化，平日下午午飯時間13:45辛苦工作後，想食個好小小坐得舒服點的茶餐廳，一行入鋪就話要我搭枱，我話唔搭，跟住話安排唔到，但餐廳內大量吉位，計埋我及其他食客一共三人想坐那些吉枱，但都要強迫搭枱？我理解食飯時間人多我可以接受，但餐廳內起碼五六張吉枱，出面又冇大量人排隊等，為何要我及另外兩位小姐都要強制搭枱？最後，我選擇唔食，你迫我選擇搭枱，我都可以選擇唔食你，我絕對冇恶意攻擊貴餐廳，只係職員樓面欠缺彈性安排

經過凱達邨見到少有嘅茶餐廳入去一試發現價錢親民抵食大碟叫左碟沙爹金菇肥牛炆烏冬都係62蚊渣烏冬麵條的糯滑口感非常吸引人，搭配上肥牛的鮮嫩口感，讓人一口接一口。肥牛經過炆煮，質地酥軟，入口即化，配上濃郁的沙爹醬汁，鮮香的味道瞬間彌漫開來。金菇的加入，為這道菜增添了豐富的口感和味道，金菇的嫩滑和肥牛的嫩香完美結合。整道菜色澤搭配得宜，色彩鮮豔，讓人食欲大開。茶餐廳的環境是簡單、輕鬆的，具有一種傳統的魅力。它們往往有著舒適的座位，並提供足夠的空間讓客人享受用餐。桌子和椅子通常會是木製的，燈光通常比較柔和，營造出一種溫馨的氛圍。茶餐廳的牆壁可能會有裝飾性的瓷磚或海報，展示著城市風景、名人或食品的圖片。音樂也通常是以輕快的流行曲目為主，為用餐氣氛增添一絲活力。總體而言，茶餐廳的環境以其簡單、舒適和輕鬆的氛圍而廣受歡迎。

海達邨平台 唯一茶餐廳 雞煲啲雞 竟然可以唔熟 同啲侍應講 畀你嘅反應係唔關我事呀！唔緊要叫你同廚房反影聽完無行動已經係兩次 到畀錢嘅時候 同收銀講個收銀仲問返嚟轉頭點解你唔轉個茶餐食，大佬呀叫你反影下啫 點知你廚房啲師傅係乜嘢心態呀！仲畀個機會你加料係咪傻㗎唔好以為得一間茶餐廳大曬呀！ 個收銀仲可以大返你教你點解唔轉茶餐食 一啲飲食業服務態度都冇， 喺海達邨裏面垃圾排行榜三甲真係當之無愧 (轉發屋企人牢騷希望各位食客提高警惕)

點左蔥油雞扒雙蛋飯，蛋香同蔥油好夾，雞扒有汁，相當不錯，朋友食焗豬扒飯，正常發揮店員有禮貌，仲問我飲唔飲例湯，個湯冇味精，真心不錯，希望保持水準，下次會再幫襯。

因為睇open rice正評而嚟食...以為只有外賣有鑊..叫左兩個餐，一個蔥油豬頸肉飯，味道一般都算，仲只有七小片，現實與理想🤷🏽‍♀️個日式豬扒炒烏冬都還可以，但..個餐係有湯/沙律跟的，手殘的我係QR code內點餐時，點都搵唔倒揀選個位，仲要比門口個阿姐話我唔揀，我再搵多次QR code內點餐位，都仲係無，一定係我問題了🙄最錯係我仲要揀錯坐門口位，門口阿姐不停地企正我隔離個counter位，搖距指揮同事做嘢，全世界都知你d同事有幾唔醒目了🙄bar bar bar個不停，十分騷擾😤

收銀態度差都算，食野係講食物質素，但一間茶餐廳可以連一個普通炒個牛河都居然係炒定有客要就裝上盒，牛肉 乾到食擦子膠咁，由拎到個外賣到食只係6分鐘之隔竟然係凍既！冇下次

昨晚路過這裏，看到這裏人山人海，今晚便專程來到一試。老壇酸菜魚片鍋$128，魚片採用黑魚的魚蓉製成，爽滑可口中帶點彈牙，加上酸菜，不會過酸，湯頭味道鮮甜，做法頗為正宗。土魷蒸肉餅$68，肉餅鮮嫩可口，加上土魷的香味，雖然是簡簡單單的一道家常小菜，不過做得很惹味。蒜香西芹腰果炒雞丁$78，西芹爽甜可口，沒有渣滓，加上雞丁和腰果，香口又惹味。跟餐樽仔奶茶$11，茶味香濃，沒有加冰稀釋了香味，這個安排非常窩心。跟餐雪糕紅豆冰$14，雪糕球加上花奶，甜度適中，如果紅豆的份量在一點更加好味。跟餐凍檸檬可樂$11，酸酸甜甜，佐餐之選。老火湯，沒有加入任何味精，火候十足。

本來唔好食都算，但係個員工態度真係不得了，令到我出post順便讚揚下佢哋啲食物😮‍💨一開始利用foodpanda外賣自取功能落order，點知10分鐘後佢哋冇接單被取消order，都明白嘅，因為差唔多收工唔接單都無可厚非，咁我行到過去咪順便堂食入到去見到後場有人清潔，想問吓邊度坐得費事影響佢哋，當然又係冇人理啦，唯有咪坐喺窗口位，店員比QR code我都即刻落單，因為食焗野，所以都預咗等所以嗱嗱聲落咗單先order咗個焗卡邦尼什菌海鮮意粉(仲話喺店舖推介添)，等咗大概15至20分鐘第一啖食個炸魚柳唔錯，再食意粉淡而無味啲汁根本就得浸奶味完全稱唔上有味道，見到一個高高瘦瘦戴眼鏡嘅後生店員係自助斟水位幫另外一台客人斟水諗住問吓佢有冇胡椒粉，佢一句就話你見到有就有冇就冇啦，我淨係見到張枱上面有糖、辣椒油、辣椒仔同埋茄汁，如果我見到有就唔會問佢啦*人哋枱大枱一行七人，坐遠遠都幫人斟埋水，我問一句有冇胡椒粉就咁嘅態度，讚緊你呀！高瘦四眼仔👍🏻最後食咗兩啖同埋面啲餸，至少剩返¾喺度，唯有好冇衣食即刻走咗啦我都唔明呢度d post基本上個個都讚🫠

嘢食係ok嘅，之前一個禮拜都會嚟食幾次，但服務態度真係好一般。跟餐叫咗杯即磨咖啡，第一啖聞到有陣好奇怪嘅up味，以為錯覺，試第二啖，真係唔得，於是同一個阿姐反映，佢態度好差：你叫嘅係即磨咖啡，啱啱先磨出嚟咖喔！有咩怪味吖？！我話我形容唔到，或者你自己聞下吖。佢一句唔好意思都冇，好串咁問我：咁你想點？係咪要換過杯俾你？！我：咁唔該你換杯普通咖啡。佢即刻好火滾咁大大力丟杯咖啡入餐具盆。雖然換咗杯正常嘅普通咖啡俾我，但係啲態度真係好難頂，我係嚟食嘢唔係嚟受氣咖。哩個位置都係做街坊生意啫，V walk 同富昌邨大把選擇，唔會再幫襯～

這天晚上我約了朋友在南昌吃晚飯，經過網上的介紹，我們便決定來到這間茶餐廳試一試，店內環境清潔衛生和明亮，餐廳坐位幾乎是坐滿，證明食物的質素都有一定的保證海南雞飯($65)自家製的油飯，加入椰汁，吃起來陣陣椰香，十分香，十分創新，用生菜鋪底，蘿蔔絲鮮甜，紅蘿蔔絲爽口微彈，海南雞嫩滑細密，非常新鮮，配上甜醬，薑容或者辣醬，蘿蔔湯加入一些細碎的蔥，份量非常豐富，這個價錢非常抵食鮮果咕嚕肉($83)菠蘿十分鮮甜，配料有青椒，紅椒和洋蔥，咕嚕肉香稔軟嫩，煮得外脆內軟，非常新鮮，味道酸酸甜甜，令人十分開冑，賣相很有層次，十分吸引例湯係蜜棗瘦肉湯，十分清甜，不放味精，飲完不覺得口渴白飯煮得好，軟硬適中老壇酸菜魚片鍋($198)水晶粉晶瑩剔透和煙韌，雲耳軟彈煙韌，魚片爽彈鮮美，酸菜，用芫莤鋪面，份量非常多，湯底酸酸的，很好飲金銀蛋蟲草浸時蔬白菜仔爽口微彈，非常新鮮，蒜頭，細碎的咸蛋，皮蛋軟彈煙韌整體來說，食物的質素非常高，食物的選擇非常多，食物的份量非常多，食物的用料非常新鮮，食物的賣相非常吸引，食物的定價相對十分合理，而店員亦有良好的服務態度和有禮貌，所以我認為這間餐廳是值得再去惠顧