本來今次朋友仔生日，完全冇諗過食放題，因為之前幾次經歷都好麻麻…… 但是晚前段schedule of a llittle surprise，晚飯需要往後延，而朋友仔想食日本野但唔要燒燒燒同邊邊，可惜揾左幾日，原來而家尖咀要食日本野又要夜過晚時間少少食，得兩個選擇放題&居酒屋，唯有放題啦……仲要揾左好多間先揾到間收咁晏（last call 1.30am, close 2.30am）感覺仲好好呀，無論服務態度定係食物，再到環境，比起之前試過既好多了，好呀~~~
呢間餐廳分為 6-8pm, 8.30-10.30pm, 仲有宵夜時段(任食2小時)，我地訂左10.30pm 10位。
我地一到，就送上2盤大刺身，讚~~ 未試過有一間有呢個服務，very impressed!!!
（嗌都未嗌就送黎，平時果d，嗌左都未必黎齊啦。）
刺身ok又多選擇亦好新鲜…… 壽司都ok，帆立貝丶鲍鱼丶象拔蚌…… 仲有海膽軍艦同手卷，軟殼蟹卷！！
（未食過邊間放題有海膽，如有朋友知道邊間有，請提供，因為好多朋友仔都超愛呀！）
牛舌超厚切，好好食，串燒都ok，尤其一口牛。
沙律好食好新鮮，所有熱食都真係熱辣辣，唔係之前試過果d放題咁，放喺度暖叫熱食。
冷熱食物款式都有好多，又有牛奶煱，燒魚都唔錯，今次試唔哂囉
服務同食物都真係唔錯，至于環境……好坐，好多架位，又有好多梳化，完全唔迫夾，最重要係有室外吸烟區，如果朋友大部分吸烟可以揀坐岀面，我仲見到岀面有heater㖭，冬天都冇有怕啦！
仲有樣野唔讚真係唔得，訂位果時我話有朋友生日，我問佢有冇咩野優惠，佢即刻話6位以上送蛋糕仲可以寫埋名，唔係果d古靈精怪壽司蛋糕，佢話呢日係blueberry cheese cake（日日唔同，有朱古力，芒果不等……我地諗住都係送啫，完全冇抱任何期望）放題仲要食到鬼咁飽，都係切下蛋糕，儀式一場，到時食少少lu，點知…ok喎，係焗既cheese cake, 有d水準tim ga，唔係粗制滥造喎…… 哈！蛋糕上枱既時候，除左有烟花臘燭，仲有強勁音响襯托岀黎，估佢唔到呀！！（有禮貌又非常攪笑既superiser Ivan 仲話唔夠6位可以加$50就可以order蛋糕，唔錯唔錯^^） I will b back~~~~ ;)
而家即場like佢地個page 有和牛炙壽司送！
