熊場 (已結業)

尋日同朋友出街，夜晚諗住食放題，就去左一間朋友介紹係尖沙咀既放題”熊場”。 去到7點半左右，坐得幾舒服，D位好闊落，唔駛逼住逼住傾計都特別正。 講下野食先，佢既選擇唔係話好多，但對我泥講都算夠，刺身賣相唔錯，同埋都幾鮮味，而且來既數量都好足兼且夠快~最鐘意既係佢地大大隻既甜蝦，食落真係不得了，為左甜蝦應該會去多次! 必食甜蝦!另外d鍋物、天婦羅都整得幾好，夠晒脆卜卜，唔係果d一睇就知又HEA又唔知放左幾耐既資素，值得一試! 不過今次都係食刺身為主，下次一定會試多d唔同款既炸物!…查看更多

見到團購做緊優惠買黎試下，一行三人，首先一到即點刺身先，仲有壽司，不過壽司到哂，刺身都未到，心急死人！  火炙海鰻壽司都ok,刺身好正！特別係三文魚同帶子刺身，任食用大粒帶子唔係貝柱要讚！ 帶子好鮮甜好滑！三文魚厚切大塊，口感好好！甜嘏用人手起殻，任食埸黎講都算難得！只係可能我對蝦要求高少少，我覺得蝦雖大隻但無味。火炙海鰻壽其司好香口，細細件，一啖一件！like！其他食物都ok!…查看更多

肥豬買左熊場既團購,地點位於尖咀食廈THE HART.係無咩期望下去食,睇下會唔會有驚喜先.雖然係團購,但係計落又唔係平好多,團購價是138+85=223,正價就是228加1=250.8,即平左26.2左右.咁起馬無貴左先,如果唔係我會喊的呢度既飲品係自助任飲,自己去汽水機度拎,亦都有凍茶類.不過質素就一般,但總好過要再比錢買飲品泰式無骨鳳爪係本人最愛,無骨鳳爪爽口,醬汁酸辣,開胃無極限,加上生洋蔥同蕃茄,食得健康又開心軍艦中有海膽和蟹籽比較吸引,可惜係海膽味道比較有怪味,不太新鮮,幸好蟹籽脆得像爆炸糖的口感.另外紫菜係脆既算係比較用心最多人關心既當然係剌身,蝦大大隻,夠CREAMY,回本必食,三文魚肥美嫩滑,口味夠重,港人最愛亦係有水準.吞拿魚中伏就好正常,無味道,基本上係食豉油味.另外油甘魚同樣美味,魚味夠濃,帶點油脂香.炸物皮略為厚,食起來好似食粉漿咁,不合格蟹籽沙律都算幾清爽,但青瓜好似多得滯燒物基本上無咩燒過,理解既,放題點會有咁多真燒物壽司飯不太大舊,唔洗飽死茄子落左孜然粉但忘記落鹽基本上熟食好味道既選擇不太多,但剌身質素係唔錯既.但係都係O個句,依家間間放題都係咁,所以要搵一間完美既好難,平心而論,為左開懷食剌身既呢間可以考慮…查看更多

今日一行12 人團購嚟食，結果個個食完仲要轉場再食糖水返到屋企再煮麵食！:(逐樣食物講：-飲品：要自己行出去jump野飲，汽水冇氣超甜，綠茶過得去 -刺身：選擇唔多，三文魚ok, 帶子ok, 蝦ok, 其餘很一般 -天婦羅：油浸天婦羅，咬一啖就已經成口油，一d 都唔好食 -燒菠蘿：我好想問里間店係咪真係有燒過d 菠蘿，唔熱之餘成舊菠蘿冇燒過既痕跡，似係求其焗熱d 菠蘿就算lor -粥：咸咸地都ok -雞翼：都ok -沙律：味道麻麻 -壽司：一夾就散到阿媽都唔認得，味道一般 -海膽壽司：面頭得2督尾指指甲咁細督既海膽蓉，味道一般 -手卷：嗶d 紫菜韌到要用力撕開先食到，我地叫左軟殼蟹手卷，入面舊軟殼蟹既size細到我估間店將一隻軟殼蟹切4份，每件手卷就塞1/4份入去 -類似煎堆既野：一咬又係成口油之餘就算食到個餡都唔知自己食緊乜 -蒸蛋：個味道係冇味 -鮑魚：話團購訂位超過6個人就每位送一隻鮑魚，問佢d 鮑魚幾時嚟，個侍應就答話佢地d 鮑魚宜家新鮮即場煮緊，叫我地耐心等下，結果鮑魚嚟到係凍凍地，而且又韌又冇乜味 5點入座，我地食到6點幾就停晒手，一嚟間野既選擇唔多，二嚟大部份d 野都唔好食，絕對唔會有下次，坐到7點半埋單果陣仲見到成間店都坐唔夠一半人，咁既食物質數相信好難做落去！團購都嫌貴呀！…查看更多

今日寶貝約左我去食好野~好開心呀~佢推介呢間未去過的放題餐廳!我當然全力支持LA!!我地中意食早飯~~所以訂最早的時段5:30-8:30PM,真係好過份的開飯時段~夠長!太正~!諗住早10分鐘去到揀個好位,服務員表示未夠鐘唔比入~OKOK..我地係當日最早到的客人~慢慢有其他客人到~等候區越來越多人~又越來越迫,服務員堅持佢的原則,一個都不能放~~那真係未免太硬了~好快夠鐘,作為第一批的客人,都冇得自己揀位,服務員話已經SET好枱~ OKOK服務員安排左我地去左個拍窗門的卡位,枱櫈好大張~坐得都算舒服坐定左發覺唔係咁對路~有種好強烈的K房清新濟味,隱隱約約~同服務員講,佢地話唔覺囉OKOK~~咁我地唯有習慣下...睇睇餐牌,一般放題的菜式都有~唔算特別多~冇乜其他特別款式,菜式名好普通呢到最主打係佢的7寸大蝦,緊係要整返几隻黎品嚐下~!刺身有10款~7寸大蝦主打~真係好大隻好勁~一睇就令人感覺驚喜,但係唔知係咪室溫太耐,所以覺得有D唔新鮮,三文魚同帶子~油甘魚同吞那魚感覺唔係太鮮,冇咩魚香味~好睇唔好食~三文魚同帶子室溫得太耐~用刺身的角度去品嚐的話,有少少''過暖''的感覺,一般的放題水準沙律有4,5款 - 大同小異,換煲唔換葯,轉少少料就係第二種菜~但令人安慰的係沙律菜尚算新鮮~咬入口好爽脆,唔會好似好耐咁燒物 - 估唔到的好火~好多都燒到外表有點燶,但係上枱就涼涼地的~感覺就好似佢地燒起左好耐再等上枱,燒日本蕃薯值得安哥~!肉類方面就燒得略為乾身~好似食緊擦子膠咁~當中我地發覺常出現漏單的情況,有D菜我地點左几次都冇黎,之後再同服務員查詢,佢先表示沒有貨,我覺得如可以的話~最好一早講那几款沒貨~那我地便不用白等了~飲品係自助形式的~自己拿著杯子到飲品區任添~凍熱綠茶同氣水總括黎講..算係見識過佢的出品~可見的未來相信唔會再見,真心希望佢地他日可以有所進步 …查看更多

地方好細, 好迫, 訂枱未夠鍾坐曬係出面等, LIFT口位, 冇路企, 要坐到入去樓梯口, 放垃圾的地方, 等到夠曬鍾先慢慢入客, 其實佢地一早都已經拾好枱, 又見到咁多人到齊, 可以安排好D, 早D入去坐都唔洗咁迫, 有大有細一齊等, 都幾辛苦好啦, 入到去啦, 其實入面都幾嘈, 又幾熱首先叫咗幾款壽司, 話係火灸壽司, 值得推介, 賣相好靚, 尤其三文魚食落夠新鮮天婦羅選擇不多, 唔夠脆, 上到枱已經淋咗, 尤其天婦羅蝦冇乜味湯的選擇有好幾款, 試咗魚湯, 奶白色的湯底, 唔算好濃味, 但OK, 而麵豉湯就真係好咸, 咸到苦炸物及燒物就不過不失, 但係第二次落單已經好慢都未上菜, 跟單跟得唔係好足任食兩個鍾, 但食到半路, 見到其他客人都企咗係飲品機等, 原來飲品已經冇曬, 所以佢地企曬係道等, 待應都叫佢地返埋位一陣先出黎....…查看更多

是咁的……果日本身呀媽同一班朋友話買左團購去食既人數已經定左既不過最後我都係join左，同埋又勉強裝得到我入去XDDDD但我就係俾正價唔係團購價環境都幾乾淨既我地多人坐卡座有少少逼，但靠窗感覺開揚舒服D蝦同蠔好似係送既但我唔係好中意食所以冇試不過睇樣幾新鮮佢地食過都話質素不錯又有鮮味:^0刺身我地點既份量同佢送黎既都差唔多仲要睇個樣好新鮮，SIZE又好正常既:^)食落去真係好有鮮甜味，仲要佢係夠凍又唔會有冰我個人就中意……全部都好中意食喎揀唔到XDDDD因為佢真係多款而質素又好有三文魚、帶子、吞拿、北寄貝……真心試過幾間（食開Buffet同semi-buffet但唔係放題達人）暫時覺得呢度真係最好！炸物及天婦羅外皮好香脆，熱度好夠，似係即炸咁冇泛油光係第一步，佢食材仲係有水份唔係乾哂柴係加分位炸粉唔係裹極厚咁，厚度適中又唔會太油膩，同埋食到係足料野卷物全部款都試左啦XDDD卷得夠實，唔會散飯，好易夾另外係唔會話勁多飯又冇料，佢係正常大小正常飯量我地都驚訝佢多料到似去食單點瘋味沙律卷其實係有少少辣既，我地覺得味道麻麻地佢既飯量同大小算係最大既，唔多抵食水綠龍皇卷味道match係ok既，我中意佢有牛油果，令香味更有層次金槍焰茸卷同加州卷相似，係幾多料又夠新鮮既海鰻忌廉芝士卷個配搭不錯，鰻魚冇骨既，肉質夠稔但芝士部分有點多，可能會有d膩北海道牛乳鍋湯底奶香幾濃，但同時有少少膩感牛肉其實唔多片，如果為左牛既話唔係好建議你點菜係幾多既，特別係娃娃菜幾清甜，我地有清哂d菜冇哂架:^)飲品係自助既唔使另外加錢又唔使寫紙入單（Y）有冷有熱，多款揀，有soft drinks有茶咁:^)服務可以話幾好佢地係attentive同埋送食物果陣都快又小心，冇聽到咩跌野同爭拗聲收碗碟既速度合格，唔會成枱放滿都冇server幫手清整體黎講我（地）真係幾滿意呢間係我暫時食過咁多間入面質素最平均，服務好，多款揀又有自助飲品既不過我見好多間放題搞左團購之後各方面都一落千丈我去果陣就幾好既，希望佢地可以加油keep到啦！！！！！…查看更多

香港日式放題通街都係，但有幾多間可以做到刺身靓，熟食又好食呢？今次團購買左呢間放題優惠卷，連加一及時段等服務費，每位盛惠HK$208.-今次和男友兩人一齊食，一下單野食好快送上枱。一開始就送上刺身拼盤，好大盤哦，我地叫得唔多，但黎既份量卻是兩倍幾，我暈。一般刺身都會漏單，佢無不單止，仲黎左 double份量，真係唔知笑好定喊好。好像吞拿魚刺身，叫了兩件，但卻送來8件 @@刺身堆得滿滿的，感覺很受落。三文魚很滑，油脂分佈平均，食落口三文魚味濃郁。赤蝦刺身很大隻，味道鮮甜，肉質彈牙，成條在口中好有味道，好似一次食左5,6隻無殼甜蝦咁。蝦頭內亦很多蝦膏，但食了兩隻都是有點苦的。吞拿魚都係得個“鞋”字，仲要一人食成4塊，真係想喊。T_T帶子刺生係片薄片的，但很鮮甜。油甘魚刺生好肥美，唔會腥，食落口魚味濃郁。北寄貝刺身無咩特別。結果呢盤刺身食到埋單先食完 /_\叫了一份水蜜桃沙律 & 青瓜絲蟹子沙律。水蜜桃沙律加了日式芝麻醬，但個人覺得不太夾，日式芝麻醬現上水蜜桃有種怪味產生，但日式芝麻醬現上生菜沙律也OK不錯。青瓜絲蟹子沙律弄得太粗了，而且青瓜絲也比較乾身，口感不好。壽司類：蟹子軍艦及海膽軍艦很不錯，飯不會太大舊，海膽很新鮮，encore 了2次。燒物：菠蘿上面的醬居然是咸的，口味不配。蕃薯仔很甜哦。天婦羅: 炸漿不是很厚，OK。魷魚居然有陣梅味，不新鮮。 …查看更多

今日黎左依到放題,都唔錯既。首先係叫左依個刺身魚生拼盤,賣相就真係十分靚喇,用既係一隻好靚既圓碟,個底就有好多碎冰,而上面就緊係佢D魚生刺身喇,咁就有三文魚,八爪魚,希靈魚,吞拿魚,甜蝦咁樣喇,都幾多款式下嫁,另外仲一隻既帶子,佢賣相係最出位既,依盤刺身份量真係非常之多,少D人都真係食唔哂,佢三文魚同吞拿魚都算唔錯嫁,最起碼係夠哂新鮮喇,而且都幾夠厚嫁,反而希靈魚同埋甜蝦係比到驚喜我,平時我都唔太鍾意食希靈魚,因為佢比較酸同埋唔夠新鮮,不過依到就無咩問題,而且淡口D幾岩我嫁,甜蝦比起其他就夠哂新鮮,而且仲幾鮮甜,真係唔錯。之後就我最愛既壽司喇 依到既火灸壽司真係值得一試既,火灸三文魚同海膽火灸甜蝦加埋火灸鰻魚壽司,絕對合格既。不過值得推介既係火灸鰻魚壽司,絕對既驚喜,鰻魚當然係無骨先,加埋佢鰻魚汁好正,甜得黎帶到鮮味出黎,個魚食落鮮甜爽滑,有機會既一定要試依個。…查看更多

********************一定一定無下次*******************為左呢間野，我特登開個ac來寫食評，希望大家唔好再中伏！未食過一間咁難食既放題，完全無一樣野食想再嗌多次😭五點半入座 全場得一個經理一個侍應 連帶位都無人得閒帶點知一入座竟然帶左我地去個無冷氣既位 又熱又焗，要求換位，點知佢話開左冷氣架啦，等多陣啦。點知食完成餐放題兩個鐘個冷氣都仲未涼到，正確啲來講我完全感受唔到有冷氣😞食物質素差到一個點，三文魚刺身好腥，平時最少食十幾件，今次食完一件已經唔想食仲有天婦羅係無天婦羅汁點架，乾爭爭串燒牛柳無牛味********************一定一定無下次*******************…查看更多

我對食物已經冇咩要求 只要唔好太難食就ok第一輪叫ge野食到走都未黎7吋長甜蝦 苦味濃 有好多雜質係入面壽司個名好聽 但上到枱唔想放入口大部分野食都係偏凍可能味精太多 喉嚨好辛苦應該咸就冇味 唔應咸就好咸牛骨湯甜到好似糖水咁 失望仲有 冇味道ge雞腎團購158 星期五加30但2個人計落成454 可以到其它地方有更好ge選擇平時我都好少打食評 但今次點都要打總結:不知所胃…查看更多

日式放題,深受時下男女的喜愛, 最大的理由是日式放題採取了任叫任食的平價自助餐形式,卻又沒酒店自助餐的高價. 是對於很多年青人而言,想聚會,又或多嚐日式食品的良好選擇!!受到朋友的推介,今次一試這間開業剛半年左右,位於老尖的”熊場”,過往試過不少日式放題,但是都在大廈的室內,反而熊場的賣點比較特別,位於赫德道大廈的2層閣樓內,由於有半開放式露天坐位,算是比較特別,但是燈光普遍偏暗,在氣氛而言卻算是不錯!!(對上一次有同樣環境的是維園的巴西燒烤,不過已經是好幾年前的事,現時巴西燒烤已經沒有了!!)服務的侍應也頗細心,不過由於只有一個侍應專門招待我們,所以還不能以平均的服務水平作準,但是今次的服務我是滿意的,而一般放題經常出現的漏單,催單在這邊並不嚴重! 侍應也有多次問食品水平,質素如何? 以及能改善的地方, 光以服務質素我挺滿意的!!由於放題點的食品太多,比較以集中的方式說一下主題部份:刺身魚生拼盤: 最初就上菜的頭盤,賣相極之豪華,光賣相已經100分,用的一隻大圓碟, 底部舖滿碎冰,而舖在上面的就是各種魚生刺身: 包括有三文魚,八爪魚,希靈魚,吞拿魚,紅鯛魚,甜蝦,另外還有一片葉包裹著的新鮮帶子。頂上有一個竹製的罩作裝飾,如用長身的碟可能會似一隻船。這盤刺身非常之大,我們有3個人也幾乎食唔哂! 三文魚,吞拿魚,紅鯛魚,八爪魚也在中等且合格的質素,算是新鮮;希靈魚和甜蝦卻是比較驚喜的地方,一般來說,放題的希靈魚都會偏酸而且易唔新鮮,進而開始發出微臭,不過這邊的希靈魚卻沒有這問題,雖比較淡口一點卻出乎意料的合格! 甜蝦比較鮮, 朋友說有點似食牡丹蝦, 頗鮮甜, 如不是樣子不同於牡丹蝦, 光吃也確實不易認出來。這個拼盤我覺得可以改進的, 就是底部的碎冰和刺身之間如能舖上一層保鮮紙將會更佳, 理由是: 既保持刺身的溫度和新鮮度,也能防止雪水溶掉之後進入刺身而影響了味道!! 但總括來說這刺身仍是夠合格的!!沙律: 叫了三種,分別是芝麻豆腐沙律,蟹籽蟹柳沙律和柚子沙律: 蔬菜部份都是用上了同一種,不算太乾身和帶有草青味,算是合格; 芝麻豆腐算大路野,不過不失,而蟹籽蟹柳沙律方面用的蟹籽也不算乾身,反而比較惹人垢病的是柚子沙律,因為柚子完全乾身沒味,所以曾向店方反映,而店方的解釋是柚子因為不是時令當造所以用料上出了問題,成品也自然強差人意!! 個人覺得如果D野唔得,就唔好梗硬出吧!!煮物: 朋友叫了醬醃大根(日式蘿蔔),我則叫了牛腩!! 事實上覺得全晚最好食是呢兩個,主要原因係大根蘿蔔和牛腩都很入味而且炆得淋,因此對這兩個也讚不絕口, 100分!!壽司: 看過其他的食評反映過這邊的火灸壽司值得一試,於是點了火灸三文魚,海膽火灸甜蝦和火灸鰻魚壽司,普遍而言質素跟松屋,元氣等差不多,在合格的質素範圍內。唯獨火灸鰻魚壽司令我甚有驚喜,不但鰻魚無細骨,而且配的鰻魚汁鮮甜爽滑,有絕對一試的價值!!手卷: 點了軟殼蟹和芝士黃金蝦兩種,而我個人其實非常欣賞這手卷,理由是因為份量上較細的緣故!! 有食開放題的人都知道手卷大多人望而卻步, 因食左較大份的手卷容易飽, 會食唔落其他野, 或好多人叫手卷食左D料, D飯就浪費唔食, 非常哂料! 而呢邊因為手卷份量比較細, 完全就解決這問題, 可以說是迷你手卷卻又比壽司大一點!! 而在用料方面也頗充足,軟殼蟹和金龍蝦都脆口, 論質素該跟火灸壽司在同一水平!天婦羅: 炸蝦, 炸蕃薯, 炸南瓜, 炸蠔等定番, 比較欣賞是上檯後依然暖而脆, 不會似很多放題如松屋一樣擺到凍哂翻熱黎上檯 ,這是我最欣賞的部分!! 不過論質素當然就會比不上對面見城等高級料理了!! 比較垢病的地方是炸漿較多而引致不均勻(蝦尤其最甚), 但是油膩度不算太高, 入口容易, 也算值得一試!!串燒: 驚喜的第二部份, 叫了日式串燒一口牛, 日式芥末串燒紅腸, 串燒菠蘿, 串燒大部份煮得香口而燒得恰到好處, 像串燒一口牛和菠蘿不會過熟, 保持一定的水份和肉汁, 值得優先叫的推介之一!!小食: 小食方面主要叫了蜜糖芥末雞粒, 燒魚和燒多春魚, 蜜糖芥末雞粒用上的蜜糖芥末比麥當勞用的優勝很多,入口香甜惹味,!!而燒魚更是非常香口新鮮,肉質豐滿,值得優先叫的推介之二.竹板海膽配紫菜飯: 限定物, 並非每天都有!! 用上一排竹板配新鮮海膽十多份, 另外配數塊紫菜和日式飯團, 這個可以當成海膽壽司卷起食, 也可以齋食!! 海膽算是頗新鮮只帶微腥, 份量不算太大, 卻是賣相優雅, 而且入口頗美味!! 其實這個好像要另外詢問, 畫飛紙上是沒有的, 而且也不是每天都有, 所以攻略時請詢問店員飲料: 主力都是汽水機,但也有雀檸和啤酒選擇,算是比較多選擇的放題!甜品: 當日是海帶綠豆沙,料是比較多,但卻是覺得偏甜,個人感覺麻麻!總結: 普遍在理想水平內,好多野食算是合格而非常唔錯!!也看到有時會做團購,才$200以內的價錢,對比起今時今日的香港普遍的晚餐價格算是非常抵食,而且仲係尖咀區!!我不敢說佢在同區中一定係最好食,不過至少環境,還有食物的賣相上我覺得佢贏哂,而野食也比一些同區有名的放題如松屋,日泰郎,海島等等來得實際和優秀,划算!!攻略要點: 還是食放題的必備要點:閒日和假日大不同!!其實大部份放題會出現漏單和催單現象在於廚房和侍應一忙就做唔切,這是每一間放題大部份的通病!!當然每個人的接受,體諒度不同,也不能一概而論! 不過有一點肯定的是閒日沒咁多客時,廚房侍應做得切之下,任何服務都會比較優秀,而漏單催單更是會減少(當然個別例子總是會有的XD),因此食放題推薦閒日食會比較好!!…查看更多

9時30分後入每位$218/加一，食物種類十分多，單是看點菜紙都要花上一點時間。刺身新鮮，而且種類夠多，真是不錯。鍋物都有6款，但湯底不夠濃。串燒食物即點即燒，很香口。壽司過份大件，而且飯的質感不太正宗。炸物的質素不錯，值得推介。…查看更多

差差差！ 本人從團購購買了兩張千$158的晚餐放題食卷並於11/11/2013使用，但非常非常失望，從未去過一間這樣差的食店和放題，不但食物質素差，服務態度也另人難以接受。在店內逗留了约1個半小時，只來了一碟小小碎碎的刺生，幾碟壽司+難食餃子，其他order的食物等等等等...都没有送上； 刺生不但充滿雪味，還切得一碎碎的，還有餃子就煎得過硬，其他食物等了一個半小時都沒有來，店員每次只是答知知知~😤，這晩不但浪費金錢，時間，還使我們一肚氣！！！！！“ …查看更多

今日又再黎食，不過今次團購，有d驚團購唔ok賈，但食完又唔係甘，因為今次有特大甜蝦，我睇都應該有7时長。。。重有大帆立貝刺身。。真係開心死我。。三文魚又要厚切。。鐘意食刺身真係開心。。到熟食串燒。。可以睇住師傅燒，都幾得意賈。。須然要等都應該。。炸物尚可。。燒雞亦同燒帆立貝都ok。。。牛乳鍋都保持到。。不過可能多人，待應就真係比交忙，可以體諒。。希望下次来的時候可以一樣甘好。。。…查看更多