宮保 (已結業)

見到登龍街開左間新野，本人食新加坡既海南雞就食得多，田雞汁撈粥食都係第一次！果度個經理推介宮保田雞，的確好滑，一定係新鮮劏，有少少辣好野味，其實佢有唔辣，因為我地有朋友唔食辣，所以我地叫左個唔辣既宮保鱔，味道都唔錯，但我都係覺得辣野味d。當然唔少得叫個雞食下！原來都好滑好有味！重點係佢每碟唔會太大，又唔太貴，就算人少都可以叫多幾樣野試下。地方又新淨，價錢合理，值得一試！仲要見到好多名人都係度食，原來間餐廳係陳伶俐開既，唔怪得咁多名人啦！