西沙茶座 (已結業)

本來諗住揸車入去enjoy吓relax吓，諗住都叫近郊應該會幾舒服啦，嘢食都係次要啫。點知，一揸部車入停車場，個「代客泊車」同事叫我求其泊低。咁其實都無所謂既，問題係個停車場究竟邊一度係村民位，邊一度係餐廳位我真係分唔到，於是問佢係邊度啦。點知佢態度就開始麻麻咁，話衣度有代客泊車，求其放低就可以。我於是再問返佢係咪要留匙，點知佢就態度再差啲就話係...我當時都開始對佢無耐性了，就話我部係棍波車，如果燒咗極力子點算，於是佢就話「咁你出返去囉」。衣間餐廳認真係sell有泊車位，我地揸車都係想方便同有安全泊位，佢要求留匙都唔係過份，不過佢啲態度趕客到過份，亦唔尊重人。最後，小弟無幸去試衣間餐廳，應該無我既損失。