陳根記

营业中

休息中

呢排疫情嚴重，已經十幾日無出街食，心野都要出下街，又加上市況慘淡無生意早收工，六點就黎到，果然，宜家少左好多人出街食飯，全場得幾枱客。之前仲响禾輋大排檔果陣都有食過，唔錯，有鑊氣，又唔限時。今日入左舖，限時90分鐘，但仍然保持自己寫單既特色。點了，芥辣手撕雞-微微芥辣適中，不會太貢鼻，海蜇爽口，蟹子不多冬陰功蜆湯-好多蜆，無沙。但湯底略謙敷衍，湯包開水咁，基本冬陰功乜料都無，最少都整啲香茅南畺蕃茄草菇睇下啩。椒鹽腰果雞軟骨-主角雞軟骨，居然係稔。但腰果係脆。咩玩法？招牌甜品，芒果一口脆-芒果肉冰的，外皮脆，忌廉墊底。咬落芒果還芒果味，班戟皮脆有蛋味，但夾埋唔覺有咩化學作用，就好似中學生家政堂作品。好難想像傳單上聲稱兩小時便售罄？特別响邊？滿懷期待諗住食番餐有水準嘅晚餐，卻換來極之失望，分分鐘自己煮得好過佢，簡直浪費金錢。絕對不會介紹朋友黎試。