影片
更多
2012-12-22
12 浏览
今(22-12-2012 Sat)朝同男友起身食早餐,諗起呢間,男友又有時間,於是o黎呢o度.o黎到睇menu,有好多選擇,所以睇o左好耐,而我又覺得肚餓,提議同男友食三個早餐,不過佢話買住兩個先,唔夠再叫.啊.我o地買o左:1.$22.00o既火腿奄列,腸仔,餐肉,餐包,加$4.00要牛奶麥皮,加$3.00要凍檸茶.2.$22.00o既香煎雞扒火腿腸仔英式多士,要熱檸水.我o地share一齊食,火腿腸仔呢啲正常o野冇問題,餐肉上面淋o左少少微甜o既汁,令餐肉唔乾爭爭,覺得有啲誠意.而火腿奄列呢,蛋係熟透冇乜蛋汁.香煎雞扒面上黃色o既汁味道唔識形容,男友話檸檬汁,我就唔知喇,雞扒就煎得唔係咁香口.而英式多士呢?唔脆但微甜,即係唔係用普通方包而係用甜方包,我個人就唔係咁鍾意.餐包夠鬆軟,而其實我去水吧等o既時候,睇住亞姐將餐包同多士分別放入微波爐同多士爐,呢兩樣係即整o既,但多士都係唔夠脆,餐包唔夠熱.最後係牛奶麥皮,估唔到仍熱,其實我唔係咁鍾意食甜麥皮,不過食完一匙又會繼續食. 最後男友話買多個意粉餐食,咁我決定要$24.00o既蕃茄湯牛腩意,都係要熱檸水.呢個好快整好,意粉係幼意粉,
o黎到睇menu,有好多選擇,所以睇o左好耐,而我又覺得肚餓,提議同男友食三個早餐,不過佢話買住兩個先,唔夠再叫.啊.
我o地買o左:
1.$22.00o既火腿奄列,腸仔,餐肉,餐包,加$4.00要牛奶麥皮,加$3.00要凍檸茶.
2.$22.00o既香煎雞扒火腿腸仔英式多士,要熱檸水.
我o地share一齊食,火腿腸仔呢啲正常o野冇問題,餐肉上面淋o左少少微甜o既汁,令餐肉唔乾爭爭,覺得有啲誠意.而火腿奄列呢,蛋係熟透冇乜蛋汁.
香煎雞扒面上黃色o既汁味道唔識形容,男友話檸檬汁,我就唔知喇,雞扒就煎得唔係咁香口.
而英式多士呢?唔脆但微甜,即係唔係用普通方包而係用甜方包,我個人就唔係咁鍾意.
餐包夠鬆軟,而其實我去水吧等o既時候,睇住亞姐將餐包同多士分別放入微波爐同多士爐,呢兩樣係即整o既,但多士都係唔夠脆,餐包唔夠熱.
最後係牛奶麥皮,估唔到仍熱,其實我唔係咁鍾意食甜麥皮,不過食完一匙又會繼續食.
最後男友話買多個意粉餐食,咁我決定要$24.00o既蕃茄湯牛腩意,都係要熱檸水.
呢個好快整好,
意粉係幼意粉,口感有啲硬,牛腩好腍同有啲脂肪,且仍有牛肉o既味道,蕃茄湯雖然唔太濃,但都算唔錯.兩杯熱檸水都有啲澀.
環境:
唔同o左,今次門口多o左兩張細圓枱同一張長枱,我唔記得之前呢個係咩位,睇返Openrice o既相,原來原先個位係外賣部.
张贴
