Potluck Eatery

之前都有留意 Pom’s Kitchen & Deli，之后网上揾唔到以为结业，原来餐厅改咗名，照样原班人马！环境装修走木系 x 轻工业风，好舒服嘅感觉，咁啱仲可以坐系好似包厢房咁嘅位置。餐牌十分多选择，唔少得套餐，由于同朋友都唔系话好肚饿，所以无点面饭，而拣左招牌海鲜拼盘share。手摇秘制酱汁海鲜拼盘 $488 波士顿龙虾、大虾、鲜鲍鱼、炭烧八爪鱼、纽西兰青口及大蚬。餐厅未改名前已经系招牌菜，我又钟意食海鲜，当然拣左呢个！有成六款海鲜，超级丰富，秘制酱汁以蕃茄作主调，好开胃，海鲜份量为二人份，所以鲍鱼有成2大只，其他海鲜都系成双成对，而八爪鱼及大蚬仲有好多件，食材新鲜，啱哂海鲜爱好者。日式抹茶红豆班㦸蛋糕 $46 个样好吸引，系千层蛋糕嘅款式，唔太甜，抹茶味可再更重。Coco Berry $55 椰子加草莓好好饮！平时我唔太饮呢类特饮，怕好甜，但呢到调嘅比例刚好。总括而言，环境气氛好舒服，今次因为唔太饿只系试左海鲜，下次再嚟试下其他主食！