HIKARI

木系裝修為主既coffee shop比人悠閑舒適既感覺～燈光柔和，仲有唔少植物作擺設，加上樓底高，空間感十足。好岩同朋友歎杯咖啡，坐底慢慢傾吓計。劍魚腩醬油漬牛油果他他經醬油漬既劍魚腩質感嫩滑厚實好鮮甜，底層有柔滑香甜既牛油果蓉，再夾雜新鮮番茄粒，賣相吸引，口感豐富，食落清新好開胃。暖野菌温泉蛋沙律中間有隻流心温泉蛋，拌勻爽脆沙律菜、野菌、紅椒等，好滋味。水牛城炸雞翼雞翼大大隻勁酥脆，肉質嫩滑又JUICY，點埋帶點酸辣既水牛城醬汁，特別惹味，有驚喜！鮮檸檬梳打味道酸酸甜甜，飲落清爽解渴。竹炭咖啡拉花好精美，打卡影相一流～可以轉配燕麥奶，咖啡味香醇濃厚，好順口。