木槇料理 (已結業)

吃得好的單身晚餐莫過於光顧日本料理吃定食，一般有菜有湯有飯吃得飽，擺設靚靚一個人唔會悶，映吓相食吓嘢一陣就過，記起朋友介紹木槇，於是今晚就決定去梳乎！入門見廚師桌，進入飯廳經過特色木門，環境清雅，坐位舒適可以hea。選擇了招牌菜，木槇極上刺身定食，個名似好得，極上果然無令我失望，魚生款式多，先由玉子吃起，然後向右掃，三文魚子、加拿大海膽、飛魚、帶子、牡丹蝦、池魚、拖羅、深海池魚、炙燒拖羅、油金魚、章紅魚，有十二款咁多，大部分是飛機貨，非常新鮮，富回甘甜。用赤醋飯，恰好不搶，唔會酸得過頭影響刺身鮮味。我認為抵食，值得推薦哦！