影片
想食好D又唔想等位就去左QRE（感觉食贵野啦）朋友介绍呢间日本野，上到去先知道好似转左手，不过去到都照食啦！见到个餐排犹疑左好耐唔知拣咩好！因为又贵又唔抵，不过都明嘅！我朋友就拣左角切鱼生丼成$190，仲要加10%， 我 就拣左海鲜刺身沙律餐，盛谓$180+10%，份量唔多架，食物质量还可以，但又未去到好想番去会味个种
继续阅读
去左几次，次次都点唔同既午市定食。而家好少鱼生多过返既餐厅，质素仲要几好添。推荐北海丼同葱花吞拿鱼海胆饭！新鲜甜美，唔会切得太薄而食唔出味。啲海胆都好大方，份量都有大半格。而个set有跟汤、日式蒸蛋、沙拉同野饮。除左鱼生饭外，鳗鱼饭都值得尝试。餐厅服务员态度几好，有礼貌。环境几舒服，唔会太逼，不过午市就会比较嘈啲。前菜上得快，唔需要等太耐，但系主菜就会比较需要等耐啲，尤其系熟食。适合同朋友同事慢慢食，唔好有食快餐既心态。
继续阅读
同事升职梗系要出去庆祝一下啦，同事提意去湾仔QRE Plaza 28楼木槇料理。今日中午12点左右去到，中午有午市套餐，餐牌有不同款式的定食，都算几多选择，大家齐齐食个比较豪华嘅午餐。本人就叫左一个北海丼，里面有海胆、牡丹虾、中鲔鱼腩、松叶蟹肉、帆立贝、赤身、甘油鱼等⋯$280，仲有味噌汤(唔太喊)、和风沙律(D菜都好新鲜）、蒸蛋(D蛋未食见到都已经觉得好滑）。另朋友就叫咗个木槇刺身寿司定食$368，呢个摆设好靓，份量适中，好啱女仔食😉😉
继续阅读
新加坡同事黎香港出差..作为小薯嘅我是时候提议食咩...醒起朋友同我介绍过木槙话食物够新鲜提议一致通过!! 12:30到QRE楼下都已经排哂队..等左大概四部电梯..终于入到喇~~我地被安排嘅位置被冷气机吹到正..员工都好醒咁将个叶向上移一坐低我地又谂左好耐~~同事想黎啲单点所以就问员工拎menu, 呢头个员工拎完个menu令一个员工立即问我地要落咩..我地话唔好意思我地要再睇下先...当时店员个表情立即不满左一下..其实全间店除左疑似经理嘅男店员同门口带位个姐姐系有笑容同服务殷勤之外..其他姐姐都....😅最终我地全部都选择同一个餐 - 北海丼总共有10款刺身..满足哂我地咩都想试嘅心理同事另外点左个枝豆枝豆好快就到左, 颜色翠绿上面怖满幼盐..粒粒饱满~~等左大概十分钟我地个餐黎喇!!先由沙律开始, 沙律菜好新鲜,套餐落沙律醋而唔系麻酱可以增加胃口终于开始刺身饭..的确新鲜..醋饭同外间食到嘅唔同..原来系赤醋饭刺身新鲜到根本唔多需要酱油同Wasabi..当鱼生掂到吞头个一下..个种新鲜感完全令我好想日本人咁惊呼一声ehhhhhhhhhhh平时唔多食虾头嘅我..见到同事食所以都作出尝试..O MY!!!点解连个虾头啲膏都咁鲜其实食完个饭都已经好饱再加上之前对茶碗蒸有恐惧因为曾经试过系别家餐厅食到一个好苦嘅茶碗蒸..但同事异口同声个蒸蛋好好食~~一试之下..的确唔错!淡淡鲣鱼高汤香味~材料充足又滑再望下个面豉汤同样足料,油扬,红萝卜,海带~但真系饱到饮唔哂但甜品系另一个胃...可惜甜品选择并唔多..同事问雪糕有咩口味, 店员告知只有黑芝麻同绿茶我为免店员等得太耐,所以就同佢讲唔该. 我地再谂谂先...点知又系换黎一下不满表情...可能呢个表情系佢地餐厅文化🤔最后餐饮要左杯冻柚子蜜划上句号~是日午餐大满足! 最紧要系同事们都好满意
继续阅读
我们一行四人星期天晚上6:30试($388+加一)半放题餐、但只有19款寿司及手卷供选择、食品质量一般、等了很久才出单及很多款也冇……环境灯光较暗下差不多几次睡著了……冇下次
继续阅读