影片
更多
2012-06-01
30 浏览
尋日去左睇men in black 3D，睇完已經唸好去試香港仔南亞餐廳，一來新開張未試過，二來有我至愛獅蚶同肉骨茶。去到南亞餐廳係夜晚9:50，侍應話ok可以入去，我一到就叫獅蚶，侍應話可以燒（半生熟）亦可以放湯（全熟），我問話新唔新鮮，侍應話新鮮，咁新鮮就燒啦，其實問黎多餘實話新鮮架啦，不過問過又好似安心D，另外就叫肉骨茶，侍應話係咪要濃味，我心唸緊係要濃架啦，原來特濃係要加錢架，但餐牌我只見肉骨茶既價錢喎，真係到埋單先知呀！另外就點左娘惹炒蝦、蛤粿粉。燒獅蚶一上枱我就覺得唔係好掂…份量唔多，有D獅蚶係好細隻，但最重要都係味道，獅蚶．竟．然．唔．甜！獅蚶好食在於鮮甜爽口，所以雖然話貝殼類污糟但對獅蚶既鮮甜我係唔會拒絕既，但今次D獅蚶唔係好掂，得幾隻我覺得鮮之外，大部份可能因為燒既關係比較乾，無咩鮮味，都係靠個汁去吊返個味！失望！娘惹炒蝦、蛤粿粉又唔記得粿粉即係河粉，一見餐牌寫"粿"字就以為係煙煙韌韌既野，叫之前問左唔食辣，侍應話唔辣，但食到先知係微辣啦，仲見到辣椒絲添，雖則唔係辣到食唔到（我朋友完全唔食辣），但落單前已問清楚話唔辣先至叫架麻！呢碟份量幾大，見到好多料，蝦、肉絲、芽菜
去到南亞餐廳係夜晚9:50，侍應話ok可以入去，我一到就叫獅蚶，侍應話可以燒（半生熟）亦可以放湯（全熟），我問話新唔新鮮，侍應話新鮮，咁新鮮就燒啦，其實問黎多餘實話新鮮架啦，不過問過又好似安心D，另外就叫肉骨茶，侍應話係咪要濃味，我心唸緊係要濃架啦，原來特濃係要加錢架，但餐牌我只見肉骨茶既價錢喎，真係到埋單先知呀！另外就點左娘惹炒蝦、蛤粿粉。
燒獅蚶一上枱我就覺得唔係好掂…份量唔多，有D獅蚶係好細隻，但最重要都係味道，獅蚶．竟．然．唔．甜！獅蚶好食在於鮮甜爽口，所以雖然話貝殼類污糟但對獅蚶既鮮甜我係唔會拒絕既，但今次D獅蚶唔係好掂，得幾隻我覺得鮮之外，大部份可能因為燒既關係比較乾，無咩鮮味，都係靠個汁去吊返個味！失望！
娘惹炒蝦、蛤粿粉又唔記得粿粉即係河粉，一見餐牌寫"粿"字就以為係煙煙韌韌既野，叫之前問左唔食辣，侍應話唔辣，但食到先知係微辣啦，仲見到辣椒絲添，雖則唔係辣到食唔到（我朋友完全唔食辣），但落單前已問清楚話唔辣先至叫架麻！
呢碟份量幾大，見到好多料，蝦、肉絲、芽菜、花生等，但蛤呢，要搵下先有，唔計辣（微辣），呢個幾夠味，鑊氣足，係今晚最好既食物。
特濃肉骨茶唔知特濃要加錢喎，成$88。正常既好似係唔知$58定$68。肉骨茶連煲上，等佢滾都幾耐，一開蓋會幾興奮，會見到好多排骨、藥材之類既野。先飲湯……
無意間睇到墊枱紙，南洋餐廳原來同大坑間肉骨皇有關係，但點解會差咁遠，飲第一啖就發覺出事，係特濃既關係？係有好甜膩既感覺，膩係因為用排骨煲湯，正常，但甜得好緊要就難接受，之後我係要狂飲茶去沖淡個味道，返到屋企都仲覺得口喝…個湯太濃好難飲但個排骨就變得好入味，肉係已經索曬湯料，如果有得揀，應該要特濃既排骨配正常既湯應該就ok，而家個湯都唔知飲唔飲好！
我知道入餐廳時間係夜左D，我地係最後一枱客，但我都係得侍應同意先入黎食野，個肉骨茶又要煲得耐先滾，間鋪收10:30，我地10:30係仲飲緊湯，同排骨戰鬥中，雖然侍應無比說話我地聽，但已經換曬衫，響我地附近徘徊，最終10:40走人。
张贴
