影片
更多
2018-01-17
847 浏览
冬天點可以唔食煲仔飯～回想起上次去到廟街都係想食呢間，不過個晚夜左到，條隊長到嚇死人唔捱得肚餓嘅我地就去左隔離條隊短少少嘅舖頭度試左先。今次係必食不可。雖然我地係7點去到，但出奇地個晚並唔係好多人，所以冇幾耐我地都已經有位。見到個餐牌都有少少失望。雖然招牌係煲仔飯，但佢都真係冇咩除左煲仔飯以外嘅選擇。之前有諗過如果有外地朋友黎嘅話可以帶佢黎食，不過選擇又真係少左DD。一行四人，叫左3個煲仔飯，2份細蠔餅，同埋一碟腐乳通菜。本身擔心左一下會食唔晒，但佢個飯都冇我地想像中咁大，所以都可以接受。第一個飯係臘腸滑雞飯～呢個係我超想叫嘅！覺得煲仔飯配臘腸一定好正D汁流落去個飯度，會令度個飯好香不過可能佢呢度嘅臘腸唔係真係好靚，佢好似冇太大呢方面嘅效果，所以個飯變得普普通通。雞件算滑。不過有一樣野真係不得不提！佢呢度提供嘅豉油好稀我地落左好多，都完全冇味。我地咁多個都唔算走開重口味路線，平時係屋企食都算係幾清淡。一開始仲以為係自己有問題，點知個個fd 都係咁覺得其實唔夠味最後我都係要落返咁多分量嘅豉油先收手，佢咁樣又何必呢～第二個飯係梅菜肉片飯，一開始心諗梅菜應該都幾鹹，應該唔太駛落豉油。點知都係
雖然我地係7點去到，但出奇地個晚並唔係好多人，所以冇幾耐我地都已經有位。
見到個餐牌都有少少失望。雖然招牌係煲仔飯，但佢都真係冇咩除左煲仔飯以外嘅選擇。之前有諗過如果有外地朋友黎嘅話可以帶佢黎食，不過選擇又真係少左DD。
一行四人，叫左3個煲仔飯，2份細蠔餅，同埋一碟腐乳通菜。本身擔心左一下會食唔晒，但佢個飯都冇我地想像中咁大，所以都可以接受。
第一個飯係臘腸滑雞飯～呢個係我超想叫嘅！覺得煲仔飯配臘腸一定好正D汁流落去個飯度，會令度個飯好香不過可能佢呢度嘅臘腸唔係真係好靚，佢好似冇太大呢方面嘅效果，所以個飯變得普普通通。雞件算滑。不過有一樣野真係不得不提！佢呢度提供嘅豉油好稀我地落左好多，都完全冇味。我地咁多個都唔算走開重口味路線，平時係屋企食都算係幾清淡。一開始仲以為係自己有問題，點知個個fd 都係咁覺得其實唔夠味最後我都係要落返咁多分量嘅豉油先收手，佢咁樣又何必呢～第二個飯係梅菜肉片飯，一開始心諗梅菜應該都幾鹹，應該唔太駛落豉油。點知都係唔太夠味，加上煲仔飯都係有D豉油嘅味先會好食D，所以就落左。不過份量比起另外2個飯係少D嘅。3個飯之中我覺得呢個算係最好，因為比較惹味，但都唔算真係好出色。
第三個係牛肉飯，3種肉都食齊晒牛肉算嫩，份量都算係咁上下。不過就咁得牛肉就令個飯冇咩味，都係要靠個支稀到爆嘅豉油。
一份細蠔餅有2塊，我地4個人叫2份岩岩好。佢嘅細蠔餅都唔算真係好細塊，一人一塊份量就差唔多。炸得香脆，不過蠔嘅數目唔算好多。
腐乳通菜就好難有得輸，畢竟腐乳都係買返黎
總括而言呢餐不過不失啦，勝左夠平。對於窮苦學生黎講價錢非常好，不過食物就同期望之中有D落差咁。
张贴
