影片
更多
2023-07-07
2426 浏览
#肚波天后 #肚波西式・・・・・・・・・・・・・・・・・・・・期望越大失望越大，冇伏但不過不失普通料咋喎。要早一個月較鬧鐘book枱都book唔到等執雞咁誇張嘅程度，我expect要好驚艷㗎喎😅・・・・・・・・・・・・・・・・・・・・🥩 Tasting Menu HK$620＞ 沙律、餐湯、薯條、甜品 free flow🥗 櫻花蝦沙律 ・味道：正常發揮。櫻花蝦烘得好香，加咗炸蒜令成個沙律惹味香口咗。個sause用咗兩款嚟調，一個偏酸一個fresh啲，整體不錯～・口感：都係咁啦，脆口沙律菜同蝦。🥧 芝士麻辣牛肉撻・味道：雖然食唔出兩種芝士，但味道都唔差。一入口先食到芝士甘香再有辣味，麻味最後先出喺口腔漫延。・口感：芝士偏流質，唔會好厚好漿口，食落冇咁滯。🥣 青紅蘿蔔南北杏金華火腿湯・味道：真心出色👍0草青味，榨到清甜嘅蘿蔔蓉配烘香咗嘅南北杏。加埋面頭嘅金華火腿，飲咗兩碗。・口感：雖然係榨成蓉，但唔會好thick，反而好light好清爽。🍞 蒜蓉包・味道：蒜蓉粒同牛油香好出，亦唔會食到生蒜嘅攻味。・口感：擺咗一陣都仲keep住軟熟，好食。✨ 澳洲tenderloin里脊肉✨ 澳洲rib e
・・・・・・・・・・・・・・・・・・・・期望越大失望越大，冇伏但不過不失普通料咋喎。要早一個月較鬧鐘book枱都book唔到等執雞咁誇張嘅程度，我expect要好驚艷㗎喎😅
・・・・・・・・・・・・・・・・・・・・
🥩 Tasting Menu HK$620
＞ 沙律、餐湯、薯條、甜品 free flow
🥗 櫻花蝦沙律
・味道：正常發揮。櫻花蝦烘得好香，加咗炸蒜令成個沙律惹味香口咗。個sause用咗兩款嚟調，一個偏酸一個fresh啲，整體不錯～
・口感：都係咁啦，脆口沙律菜同蝦。
🥧 芝士麻辣牛肉撻
・味道：雖然食唔出兩種芝士，但味道都唔差。一入口先食到芝士甘香再有辣味，麻味最後先出喺口腔漫延。
・口感：芝士偏流質，唔會好厚好漿口，食落冇咁滯。
🥣 青紅蘿蔔南北杏金華火腿湯
・味道：真心出色👍0草青味，榨到清甜嘅蘿蔔蓉配烘香咗嘅南北杏。加埋面頭嘅金華火腿，飲咗兩碗。
・口感：雖然係榨成蓉，但唔會好thick，反而好light好清爽。
🍞 蒜蓉包
・味道：蒜蓉粒同牛油香好出，亦唔會食到生蒜嘅攻味。
・口感：擺咗一陣都仲keep住軟熟，好食。
✨ 澳洲tenderloin里脊肉
✨ 澳洲rib eye肋眼排
✨ 紐西蘭牛肩胛
🥩 澳洲tenderloin里脊肉
・味道：外面淡淡黑椒香，呢款肉眼冇乜肉味，微微甜味咁，正常。配鹽或者芥辣都無助吊出肉味，但肉眼本來就唔重肉味係食口感，所以都冇咩投訴。
・口感：里脊肉啫係肉眼芯位，一定嫩滑軟腍嘅，咬兩啖就化開晒。
🥩 澳洲rib eye肋眼排
・味道：個人最愛呢款，因為肉味較濃。
・口感：Rib eye啫係肉眼頂位，外面乾身啲，𡁻到牛肉嘅質感，但唔係乾，亦唔會去到食到一絲絲肉嘅質感。
🥩 紐西蘭牛肩胛
・味道：呢款重油香，但唔係重牛嘅油香。所以唔重牛味，還好。
・口感：軟腍但同時有唔少筋膜係呢款肉嘅特性(店員講)，事實食落都係咁矛盾XD
🍟 任食薯條
・味道：重薯味連薯皮嘅薯條，不錯，但未去到好新鮮～
・口感：唔係脆嘅路線。
🍄🌽 配菜：粟米、蘑菇
・味道：粟米甜蘑菇多汁，想像到嘅正常發揮。
・口感：OK desu～
🍰 甜品：芝士蛋糕
・味道：偏甘甜嘅款式，唔係New York cheesecake嘅微酸味。
・口感：creamy～
・・・・・・・・・・・・・・・・・・・・
🤰性價比：中～
🤰9衝度：可試～
🤰結論：唔可以話唔飽，但唔滿足🥲，因為肉嘅份量偏少。我寧願cut咁啲配菜沙律同小食，加多兩塊肉。而且當日肉眼為主，對於鍾意重肉味prefer西冷嘅我真係一般啫。價錢唔算貴，但食材同味道都一般，最離奇係竟然咁多人搶book枱，呢個落差除咗用「名氣大」嚟解釋之外，我只能夠講可能因為佢一晚只做一round所以成本大咗。寧願做多兩round好過～
・・・・・・・・・・・・・・・・・・・・
環境：闊落大枱，大概十零張枱到，4人枱同6人bar枱為主，有張係8人家庭大枱。2人都坐6人bar枱的。酒吧暗暗vibe燈光～
服務：的確要讚嘅，每個staff都好熟食材，會逐樣解釋。仲會有啲互動叫客人先食再開估係用咩食材煮，成個feel係開心fd子咁。
张贴
