六両三 (已結業)

好多時經過六両三都要等位，由於小店坐位有限，一等要好幾個字，今日無人等位，進入店內得番坐在店舖大門位，由於店門是推門，就坐後店員有提唔好放隻手太出怕被夾到。都明白小店會比較迫，但嚟間店入坐後到進食，環境比人唔太舒服感覺……紅燒三寶湯～有牛筋、牛展、牛腩，牛筋炆得淋滑， 有展簿簿一片唔會韌，但有點鞋，牛腩係淋但鞋口痴牙，湯底有少少藥材味又帶酸味，唔係我想要的台灣口味，酸得好奇怪，變咗牛三寶也沾上酸味，我唔太愛冬瓜檸檬茶～冬瓜茶味好淡得一片檸檬，杯飲品好淡冬瓜茶味又無、檸檬味又無～失敗半筋半肉麵～同之前紅燒三寶湯湯底一樣，又係有陣酸味，麵算彈牙，份量比較少2啖食晒。食物牛筋、牛展、牛腩炆得淋，除牛筋之外，牛展、牛腩有點鞋，我唔太喜歡佢地個湯底個種酸味。去個台灣多次食牛肉麵，湯底都唔係咁既酸既……店舖用QR Code 落單，店員無乜招呼客人，比較冷漠，少了小店的溫情。食物、飲品方面可有進步空間。