早左一個星期打去預約，得返6點及8點45可選擇。最後簡了8點45分。
朋友早到取位，但要有確認預約的WhatsApp 先可以拎枱。
入場時已無人排隊，4個人安排的座位都坐得舒適。但枱面有個燒爐，變得無咩位放食物。
場內無類似韓燒戈d抽氣，時不時都會好大煙下！
每枱有一盤海鮮拼盤送，全晚最好食就係呢盤野！
有4隻大蝦(似虎蝦)，新鮮，大隻，彈牙👍🏼
8隻大元貝，鮮甜，大隻，好食！
2個蟹蓋(滿滿蟹膏加蛋同蟹柳)，有驚喜，嗒嗒膏，好香，記得邊燒邊撈匀。親切女侍應教的。
生蠔係美國蠔，好大隻好肥美甘，影相一流，但燒落5好食。偏苦。
刺生，無特別，無特別新鮮同肥美。
熟食，種類算多。大部分都普通放題野，唯一會再點的是羊架，燒到岩岩好，夠嫩夠香。
門口位置有自助小食吧。及甜品糕點雪糕雪條自取。
可以落單自己燒的食物。部分幾有新意。例如整蟹粥好似煮飯仔甘，要有次序地落，味道都5錯。但有d真係水準之下，白酒煮蜆，蜆有沙，白酒過多，令戈成兜野好苦，苦到完全食5到。海鮮再點而又好食既黃金貝，圖中較大隻戈款。
1
後段時間，大部分樓面幫手清場，都幾難搵人幫手。
將自助燒同日式放題放一起幾好，但2樣都做得5太到位，呢個價錢有大把更好的選擇。試一次就夠的食店。
