影片
更多
2013-06-28
1060 浏览
好耐之前已經想黎呢度食嫁喇, 今次終於都可以食到~ 其實呢度既"自助餐"係放題形式既, 任叫任食, 不過千奇唔好浪費食物, 要"惜食"呀~ 今次食左13款食物:西汁香酥鴨: d 素鴨本身冇味既, 炸完之後比較乾, 但係d 西檸汁又淡左d 同埋(對於我黎講)少得滯, 所以食落覺得乾左d & 冇乜西檸汁既香甜味(but有少少腐竹味~)... 雖然冇我想像中咁好食, 不過我好鍾意食素鴨, 所以都覺得ok既~脆皮蜜瓜奶: 呢個超爆正好好味呀!!! d 蜜瓜奶勁香甜!!! 蜜瓜味同奶味都非常濃郁, 好似將d 蜜瓜豆奶由液體變左做固體咁~蜜桃炆鮮竹: d 蜜桃好甜好好味, 不過d 腐竹就可能浸得唔夠耐, 實左d & 硬左d... 不過整體味道都可以既~點心齋鹵味: 其實係雜錦齋鹵味, 由上至下層數落有素鴨(呢個唔乾, 好好味), 甜酸齋(甜多過酸, 都係好好味), 咖哩齋(咖哩味淡左少少.. ), 蠔油齋(麻麻地..), 腐皮卷(入面有蘿蔔絲, 木耳絲&沙葛; 成個腐皮卷都好好味), 齋叉燒(唔係幾好食..) & 齋鴨腎(質感好似; 又好味)~ 1小碟高高地包羅萬有, 有咁多款齋~ 整體味道都好好
西汁香酥鴨: d 素鴨本身冇味既, 炸完之後比較乾, 但係d 西檸汁又淡左d 同埋(對於我黎講)少得滯, 所以食落覺得乾左d & 冇乜西檸汁既香甜味(but有少少腐竹味~)... 雖然冇我想像中咁好食, 不過我好鍾意食素鴨, 所以都覺得ok既~
脆皮蜜瓜奶: 呢個超爆正好好味呀!!! d 蜜瓜奶勁香甜!!! 蜜瓜味同奶味都非常濃郁, 好似將d 蜜瓜豆奶由液體變左做固體咁~
蜜桃炆鮮竹: d 蜜桃好甜好好味, 不過d 腐竹就可能浸得唔夠耐, 實左d & 硬左d... 不過整體味道都可以既~
點心齋鹵味: 其實係雜錦齋鹵味, 由上至下層數落有素鴨(呢個唔乾, 好好味), 甜酸齋(甜多過酸, 都係好好味), 咖哩齋(咖哩味淡左少少.. ), 蠔油齋(麻麻地..), 腐皮卷(入面有蘿蔔絲, 木耳絲&沙葛; 成個腐皮卷都好好味), 齋叉燒(唔係幾好食..) & 齋鴨腎(質感好似; 又好味)~ 1小碟高高地包羅萬有, 有咁多款齋~ 整體味道都好好味既^^~
枝竹炆鰻魚: 辣辣地~ d 鰻魚卷係紫菜"呃"製而成既, 好好味~
怡香鮮竹卷: 都係辣辣地既~ 呢個d 腐竹唔會實&硬, 反而夠鬆&腍, 所以好入味~ 雖然鹹左d, 不過好惹味~ 仲有d "肉末"係面筋黎既, 都好好味~
琵琶炸豆腐: 超爆正好好味呀!!! 唔係我想像中既炸豆腐, 似係d 面粉團入面混合左d 豆腐碎&髮菜, 再拎去炸 & then 加d 醬汁兜兩兜; 食落有d 脆脆地, 有d 就腍腍地有嚼口, 真係超級好好好好味呀!!!
八珍炆豆腐: 有炸豆腐, 生筋, 素雞, 紅蘿蔔,冬菇(呢間既冬菇超級好好味), 雲耳, 草菇, 白菜, 菜心等~ 好味~
羅漢燴上素: 材料同八珍炆豆腐既差唔多, 只係冇左炸豆腐; 同埋呢個既菇菌類比較多; & 濃味d, 因為冇左較清淡既豆腐~
椰汁粉皮時菜: d 椰汁香到不得了!!! 而d 粉皮滑溜溜之餘, 食落又好得意, 有d 煙韌彈牙有嚼口既感覺~ d 椰汁粉皮真係好香甜, 超爆正 v. delicious 呀!!! 其實似係甜品多d : P ~ 不過要怏d 食, 因為擺耐左 d 粉皮就會吸晒d 汁 杰埋一大堆... 下面仲有d 白菜~
紅燒山水豆腐: d 豆腐好滑~ 味道都ok既, 不過比起其他菜式 就顯得冇咩特別好食..
香滑糖水: 係椰汁西米露~ d 椰汁又係香到不得了既~!! 好夠香甜超級好好味呀碗糖水真係!!! 雖然椰汁西米露冇咩特別高級而又好肥, 不過真係好味到停唔倒口!!!
豆漿: 都係任飲既~ 雖然豆味唔係好濃, 不過亦都唔太甜, 甜度適中 清清地咁, 好味~ 總括而言, d 野食大多都好好味, 而且~$70 [($58+5)x1.1] 就可以坐咁耐 食咁多野, 真係好抵!! 有機會都想再黎過^^~ 而服務方面, 都唔係想像中好似之前食評所講咁差既, 不過係冇乜表情囉.. 環境方面, 大多數都要搭枱嫁~ 有男女toilets 各1格, 都幾乾淨~
张贴
