影片
更多
2023-07-13
345 浏览
今日黎到哩間好高質素既廚師發辦餐廳。餐廳環境舒適，右邊係睇到廚師製作食物既吧檯位，左邊係二人及四人座位。而且餐廳兩邊既位置都望到海景🌊夜晚仲可以睇埋夜景～✨ 鮨Omakase $1680🔸前菜（白粟米、無花果、果茄）白粟米爽身清甜，好似食緊水果咁；無花果上加上胡麻醬及紫蘇花；日本果茄加上少少鹽，非常香甜。🔸季節刺身真鯛真鯛魚肉味道清甜，加上馬糞海膽及少許鹽，食落去會更加鮮甜。平政魚平政魚係而家既季節魚類，厚身肥美，燒過既魚皮充滿炙燒香，加上柚子胡椒，味道微辣，帶有柚子香。銀鱈魚銀鱈魚軟質軟腍，炙燒過後，能夠逼出魚油，加上烏魚子粉，鹹香好味～中拖羅、大拖羅中拖羅係半肥瘦，入口相當新鮮，非常好食；大拖羅選用接近下巴位置，魚油豐富，完全無筋。🦪北海道岩手縣赤崎珍蠔赤崎珍蠔大大隻，上面放上紫洋蔥醬，醬汁味道酸酸辣辣，一入口已經食得出好新鮮，質感較為爽身，味道鮮甜。新鮮鯖魚肉質較為嫩滑，充滿魚油，上面放上三星漬，味道鹹鹹辣辣。日本象拔蚌味道更加突出及鮮甜，上面加上柚子皮，能夠去除貝類腥味，食落味道更清新。清酒蒸鮑魚廚師用清酒浸住鮑魚，蒸左大約4至5小時，入口肉質爽彈，鮑魚帶有清酒香，唔需要額外調
✨ 鮨Omakase $1680
🔸前菜（白粟米、無花果、果茄）
白粟米爽身清甜，好似食緊水果咁；無花果上加上胡麻醬及紫蘇花；日本果茄加上少少鹽，非常香甜。
🔸季節刺身
真鯛
真鯛魚肉味道清甜，加上馬糞海膽及少許鹽，食落去會更加鮮甜。
平政魚
平政魚係而家既季節魚類，厚身肥美，燒過既魚皮充滿炙燒香，加上柚子胡椒，味道微辣，帶有柚子香。
銀鱈魚
銀鱈魚軟質軟腍，炙燒過後，能夠逼出魚油，加上烏魚子粉，鹹香好味～
中拖羅、大拖羅
中拖羅係半肥瘦，入口相當新鮮，非常好食；大拖羅選用接近下巴位置，魚油豐富，完全無筋。
🦪北海道岩手縣赤崎珍蠔
赤崎珍蠔大大隻，上面放上紫洋蔥醬，醬汁味道酸酸辣辣，一入口已經食得出好新鮮，質感較為爽身，味道鮮甜。
新鮮鯖魚
肉質較為嫩滑，充滿魚油，上面放上三星漬，味道鹹鹹辣辣。
日本象拔蚌
味道更加突出及鮮甜，上面加上柚子皮，能夠去除貝類腥味，食落味道更清新。
清酒蒸鮑魚
廚師用清酒浸住鮑魚，蒸左大約4至5小時，入口肉質爽彈，鮑魚帶有清酒香，唔需要額外調味已經好好食～
🔸時令酒肴(2點）
梳子魚（竹籤魚）
魚肉經過燒製，入口鹹香嫩滑，放上嫩薑～
鰻魚山椒煮
有四層，一層鰻魚一層茄子x2，鰻魚表皮燒得香脆，加埋茄子一齊食，味道勁夾勁juicy！
🔸壽司
金目鯛、小白蝦、太刀魚、鳥貝、池魚、原隻紫海膽
金目鯛經過煙燻，肉質爽身；一舊壽司上面有大約十幾隻小白蝦，口感較黏，味道鮮甜，面層灑上竹炭鹽；太刀魚經過火炙，魚油豐富；鳥貝質感爽脆，味道鮮甜；池魚味道較濃，質感清爽，上面加上芽蔥及紫蘇花，正好能夠去腥味；原隻紫海膽真係不得了❗️一隻入面有五舊海膽，每舊都大粒鮮甜，係每日係日本新鮮運到，非常好食，超級推介👍🏻
🔸湯：群翅清湯
食完咁多刺身同壽司，哩個清湯正好可以暖暖胃，入面仲要有翅肉。
🔸 水果及甜品：北海道赤肉蜜瓜、琥珀
赤肉蜜瓜味道香甜；琥珀即係紅豆奶凍，係餐廳自家製既，奶凍滑溜，加上抹茶醬，香甜好食～
成個餐有咁多嘢食，個性價比都真係幾高，完全係捧住個肚走～
张贴
