影片
更多
2019-04-19
441 浏览
平時出去食飯，真係好少會想簡中餐，不過今次想食六公館係因為個環境同個特色餐牌，聽聞係望住個維港食，幾咁寫意🥳店鋪係LCX直行到尾落電梯就係啦，入到去果然好high class，裝修係西式餐廳咁，有bar檯，成個格調都好見得大場面，環境氣派十足，搞到真係好期待今晚既用餐經驗！入到去店員好有禮貌安排座位，正呀，被安排坐左係對窗口位，係望住個維港！！真的超興奮🥰生活態度😛🤣🤣坐低之後先點熱茶: 瑰荔堂煌🌹熱茶帶玫瑰的清香、清甜的荔枝味，飲完仲有點點回甘，食大餐解滯一流👍🏻依到菜式選擇好多，海鮮肉類飯麵咩都有，而且每樣菜既煮法都好特式，今晚一共點左四樣菜1️⃣柚子黑鱈魚件黑鱈魚件有五件，炸黑鱈魚出黎感覺一啲都唔油膩，炸粉唔厚得黎做到好脆口既口感，再淋上自家燒汁，咬落去黑鱈魚好滑，滑到入口有即融感覺食落好有魚鮮味，最特別係佢加上袖子，燒汁有帶少少柚子酸香，上面仲灑上柚子粒，連埋一齊食，柚子係的確減輕左炸物既油膩感，反而仲食得好開胃。好精緻既一道菜！-2️⃣48小時慢煮牛肋骨牛肋骨份量好多，真係有成條牛肋骨既長度，望落去真係煮得好吸引，大概係五成熟，望落就知無overcook，食落果然有慢煮既口感，軟稔得
店鋪係LCX直行到尾落電梯就係啦，入到去果然好high class，裝修係西式餐廳咁，有bar檯，成個格調都好見得大場面，環境氣派十足，搞到真係好期待今晚既用餐經驗！
入到去店員好有禮貌安排座位，正呀，被安排坐左係對窗口位，係望住個維港！！真的超興奮🥰生活態度😛🤣🤣
坐低之後先點熱茶: 瑰荔堂煌🌹熱茶帶玫瑰的清香、清甜的荔枝味，飲完仲有點點回甘，食大餐解滯一流👍🏻
依到菜式選擇好多，海鮮肉類飯麵咩都有，而且每樣菜既煮法都好特式，今晚一共點左四樣菜
1️⃣柚子黑鱈魚件
黑鱈魚件有五件，炸黑鱈魚出黎感覺一啲都唔油膩，炸粉唔厚得黎做到好脆口既口感，再淋上自家燒汁，咬落去黑鱈魚好滑，滑到入口有即融感覺
食落好有魚鮮味，最特別係佢加上袖子，燒汁有帶少少柚子酸香，上面仲灑上柚子粒，連埋一齊食，柚子係的確減輕左炸物既油膩感，反而仲食得好開胃。好精緻既一道菜！
-
2️⃣48小時慢煮牛肋骨
牛肋骨份量好多，真係有成條牛肋骨既長度，望落去真係煮得好吸引，大概係五成熟，望落就知無overcook，食落果然有慢煮既口感，軟稔得黎鎖煮肉汁，唔會乾身，牛肉仲燒到外脆，食到中間有幾舊既脂肪比較多，入口融化，極邪惡🤘🏻😋
牛肋條配上喜馬拉亞山岩鹽，咸咸地吊出牛既香咪，仲有自家製汁，同牛肉都好夾😍的確煮得好食！
3️⃣松茸羊肚菌海膽燴飯
見到好多人都點依個，又跟先😣燴飯口感好好，食落粒粒分明，類似炒飯但唔乾身既口感，松茸同羊肚菌一齊燴飯帶不同菌類新鮮滋味同濃郁風味，菌菇都有自己獨特的香氣，配上新鮮海膽，幾重口感
4️⃣茉莉花茶味意式奶凍
依個真心驚喜，上枱個下已經一定要打卡，配哂乾冰上，伴碟仲有二個朱古力球，有哂中西fusion感覺。
個奶凍真係好好食，係勁清香的茉莉花茶味，面頭一浸花jelly，下面係creamy奶凍，兩者口感非常配，種清香真係好refresh!! 打破左奶凍就係濟既concept haha
總結今晚係一個好難忘既用餐經驗，有特別日子想慶祝不妨一試
张贴
