影片
更多
2021-06-01
57 浏览
#天后美食 #小蓮星呑食天后🔻 鮨千月天后電器道68號金輪天地26樓/🥢Omakese 初春 $1080/🍣沙律、前菜沙律：新鮮嘅沙律菜配上日本料理嘅元素，包括海帶、木魚絲，令到成個沙律菜有唔同嘅口感，亦都增加左鹹香度。磯煮白魷彈牙有咬口，亦都好開胃。/🍣白身魚薄切師傅刀工一流，本身已經配上柚子汁，酸酸甜甜，清新開胃，另外仲可以點酸汁。/🍣刺身5種包括新鮮帶子配岩鹽青檸汁、赤貝、池魚、油甘魚、中拖羅。帶子真係好新鮮，而且好厚肉，好鮮甜。另外油甘魚係腩位，油香十足，好肥美。/🍣和食一品銀鱈魚西京燒，估唔到又係魚，不過係另一種嘅享受，銀雪魚燒得好靚，肉質鮮嫩。/🍣壽司5貫以深海池魚壽司、燒左口魚壽司同埋北海道海膽壽司最為驚喜，池魚爽口甘甜；左口魚油香爆棚，入口即溶；海膽非常鮮甜，完全沒有化學味，同樣入口即溶，想要更多🤤/🍣味噌湯、細紫菜烏冬麵豉湯好足料，味道濃郁，唔會得個死咸。食到最後見到烏冬都好飽，食咗一啖，烏冬彈牙，入面仲加咗蛋花，唔覺唔覺就食晒。/🍣甜品有芝麻雪糕同抹茶雪糕兩個選擇，小妹揀咗抹茶雪糕，奶香味重過抹茶味，為晚餐完美作結。/#food #foodie #hkfood #h
🔻 鮨千月
天后電器道68號金輪天地26樓
/
🥢Omakese 初春 $1080
/
🍣沙律、前菜
沙律：新鮮嘅沙律菜配上日本料理嘅元素，包括海帶、木魚絲，令到成個沙律菜有唔同嘅口感，亦都增加左鹹香度。磯煮白魷彈牙有咬口，亦都好開胃。
/
🍣白身魚薄切
師傅刀工一流，本身已經配上柚子汁，酸酸甜甜，清新開胃，另外仲可以點酸汁。
/
🍣刺身5種
包括新鮮帶子配岩鹽青檸汁、赤貝、池魚、油甘魚、中拖羅。帶子真係好新鮮，而且好厚肉，好鮮甜。另外油甘魚係腩位，油香十足，好肥美。
/
🍣和食一品
銀鱈魚西京燒，估唔到又係魚，不過係另一種嘅享受，銀雪魚燒得好靚，肉質鮮嫩。
/
🍣壽司5貫
以深海池魚壽司、燒左口魚壽司同埋北海道海膽壽司最為驚喜，池魚爽口甘甜；左口魚油香爆棚，入口即溶；海膽非常鮮甜，完全沒有化學味，同樣入口即溶，想要更多🤤
/
🍣味噌湯、細紫菜烏冬
麵豉湯好足料，味道濃郁，唔會得個死咸。食到最後見到烏冬都好飽，食咗一啖，烏冬彈牙，入面仲加咗蛋花，唔覺唔覺就食晒。
/
🍣甜品
有芝麻雪糕同抹茶雪糕兩個選擇，小妹揀咗抹茶雪糕，奶香味重過抹茶味，為晚餐完美作結。
/
#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #foodphotography #hkig
张贴
