牧羊少年與他的浮萍

营业中

休息中

牧羊少年幾間唔同嘅分店都食過，尖沙咀文化中心呢間特別啲叫牧羊少年與他的浮萍，可以望住維港嘅景色，特別寫意，岩哂文青或者朋友吹水。Lemna呢度仲有一邊係酒吧，如果想剩係飲下酒傾計都岩。菠菜苗蘑菇南瓜蓉 燴巴馬臣芝士意大利飯🌟磨菇南瓜蓉好足料，配埋意大利飯甜甜地好好味，食哂成個好飽肚。慢煮法國豬鞍 配火炙粟米 及烤新薯 伴芥末籽蘋果醬🌟豬鞍嘅油脂比例均勻，所以好軟稔，份量都幾大，仲有兩件燒粟米好甜好香。蒜香法國雞翼（6隻）配細奥良風味蛋黄醬🌟雞翼係落單先新鮮炸，上枱放咗一陣都仲係熱辣辣，本身蒜香已經醃得好入味，加埋蛋黃醬少少辣，食落更加開胃。