寬巷子 (已結業)

❤️創意高質台式火鍋 打邊爐打得多 食得咁講究真係第一次 店舖坐落係尖沙咀海旁 望住咁靚既維港夜景食火鍋真係一試難忘！湯底: 食物方面 佢既湯底全部都係台灣空運到港 夠哂質素保證 原汁原味 我地叫既兩種都係藥膳湯底 奶白色貢布豬肚湯陣陣飄香胡椒味但係一啲都唔辣 岩哂怕熱氣既我地 養生白凰用左杞子同竹絲雞 護眼之餘仲滋陰清熱 補肝益腎 岩哂成日捱夜 日日OT長時間對住手機電腦既香港人温體牛:不得不提温體牛 每塊厚薄適中 時間掌控好重要 剛熟既Moment撈上嚟 肉質嫩滑 肉味濃郁 同以往打邊爐既所謂高質牛完全冇得比!