Interval | Farmacy (數碼港商場) (已結業)

數碼港戲院旁邊開咗間新餐廳，走明亮簡潔路線，半開放式，地方闊落。餐廳一邊有間溫室玻璃房，入面嘅蔬菜都係由智能水耕種植，感覺好乾淨衛生。我同先生叫咗兩個set lunch。分別係Spaghetti with Mushroom 同 Spaghetti Cacio e Pepe。兩個set 嘅頭盤Kale Salad材料都係取自旁邊室內溫室。可能心理作用，食落好好似特別新鮮。意粉做得al dente，醬汁味道都香濃creamy，不過個份量實在太細。我7分飽（啱減肥😂）；我先生話完全唔飽，佢應該要食兩份先夠😅服務方面就係麻麻地。因為點餐係用手機落單，所以我哋同侍應嘅接觸唔多。食物嚟到時，侍應只係「砰」一聲放喺枱上面就轉身走🤭而且上菜速度又慢，我先生差唔多食晒，我嗰份先到（不過可能係份量太少，我先生兩啖已經食晒🤣）到喺外面埋單嘅時候，我問溫室入面嘅蔬菜可唔可以賣時，個店員無端端黑臉及不友善語氣話：「吓？唔得嗰喎！」我都只係問下啫，唔使咁惡掛🙄總括嚟講，食物質素同環境都Ok嘅，不過份量同埋服務就真係唔合格。