影片
更多
2024-03-01
44 浏览
今日屋企人生日，於是便預約左一間朋友推薦的日式料理餐廳，主要食材係來自日本北海道 、九州和沖繩等等，食材新鮮抵食，主推自選壽司和一個人的尊尚享受。我地叫了お好み寿司13買と手巻1本定食（Okonomi Sushi 13 pieces and 1 Hand Roll Set），包括13件壽司和一件手卷，除此之外還有漬物、沙拉和甜品。茶碗蒸碗內有木耳、蟹柳等材料，令口感豐富，蒸蛋亦相當滑。蜜柑鯛口感比較清爽，配搭酸汁醬油，帶出魚肉的鮮味，同時亦有淡淡的蜜柑香味。杋立貝色澤晶凝通透，鮮甜美味。深海池魚肉質較結實，食落帶油分，香口甘香。鮫鰈魚鮫鰈魚邊位有炙燒過，香口惹味。梭子魚肉質軟綿綿，表面沾上磨香左既芝麻，增加唔少香味。牡丹蝦壽司飯藏有蝦膏，食落味蕾感到濃郁的香氣。赤貝因為之前牡丹蝦味道重，赤貝帶有淡淡的柑桔味，可以清一清味蕾，師傅料理時特意會拍一拍赤貝，令肉質收縮，食落會比較爽口。中拖羅拖羅肥美，油脂分佈均勻，想一食再食。馬糞海膽口感creamy，海膽甘甜，鮮味十足，海膽的份量佔滿了整個壽司，食落相當有滿足感。鯖魚關西做法，有昆布係面，鯖魚完全沒有魚腥味，做法十分創新。BB銀鱈魚肉質柔嫩
今日屋企人生日，於是便預約左一間朋友推薦的日式料理餐廳，主要食材係來自日本北海道 、九州和沖繩等等，食材新鮮抵食，主推自選壽司和一個人的尊尚享受。
我地叫了お好み寿司13買と手巻1本定食（Okonomi Sushi 13 pieces and 1 Hand Roll Set），包括13件壽司和一件手卷，除此之外還有漬物、沙拉和甜品。
茶碗蒸碗內有木耳、蟹柳等材料，令口感豐富，蒸蛋亦相當滑。
蜜柑鯛口感比較清爽，配搭酸汁醬油，帶出魚肉的鮮味，同時亦有淡淡的蜜柑香味。
杋立貝色澤晶凝通透，鮮甜美味。
深海池魚肉質較結實，食落帶油分，香口甘香。
鮫鰈魚鮫鰈魚邊位有炙燒過，香口惹味。
梭子魚肉質軟綿綿，表面沾上磨香左既芝麻，增加唔少香味。
牡丹蝦壽司飯藏有蝦膏，食落味蕾感到濃郁的香氣。
赤貝因為之前牡丹蝦味道重，赤貝帶有淡淡的柑桔味，可以清一清味蕾，師傅料理時特意會拍一拍赤貝，令肉質收縮，食落會比較爽口。
中拖羅拖羅肥美，油脂分佈均勻，想一食再食。
馬糞海膽口感creamy，海膽甘甜，鮮味十足，海膽的份量佔滿了整個壽司，食落相當有滿足感。
鯖魚關西做法，有昆布係面，鯖魚完全沒有魚腥味，做法十分創新。
BB銀鱈魚肉質柔嫩，師博特意在表面淺淺𠝹幾刀，用火槍炙燒，有少許焦香。
赤身色澤都幾靚下，十分新鮮。
左口魚邊極之香口，魚油味重，濃郁可口。
吞拿魚手卷除左吞拿魚外，仲用香蔥、芝麻和蘿蔔粒等包裹在手卷，口感有層次感之餘，亦能將鮮味帶出。
杏仁咖啡雪糕口感綿密，味道偏清新帶點淡淡的杏仁和咖啡味，有種refresh既感覺。
张贴
