Flaneur (已結業)

傍晚陪伴情人於佐敦體檢後，就相約好友喺附近食埋飯先返香港。四人原本想一試K哥介紹嗰間「車路士」意大利餐廳，無奈打電話訂座時，接線生卻告知店子早已滿座。可能聽見細佬有啲失望啦，姐姐仔好快就提議不如轉去佢地喺隔離新開嗰間姊妹店「Flâneur」食法國菜。門外黑板所示，下午三至八點為歡樂時光，當中飲啤酒配食串燒o既優惠最吸引，只可惜友人都唔係啤酒客。。。店子樓底高高，但由於右邊排出一列半室內外座，感覺上冷氣就唔係咁夠，近門口嗰邊仲要有陣煙味。。。餐牌上印有一段英語解說法文店名o既典故。烈日當空，等待人齊時當然係要開枝汽酒梳乎下啦！唯一唔飲酒o既愛麗絲就點咗杯「Strawberry Paradise」。新店o既飲品及食物餐牌各有一頁，前者項目明顯比後者多，睇黎店子重飲多過食喎。蠔誘惑（$118）：拼盤每客有三隻蠔，相片中左起分別為凍食o既紅菜頭味、熱食o既炸蠔、同最右o既焗蠔。細佬所食o既炸蠔層炸皮唔夠鬆脆，食落唔夠鮮甜、又唔夠調味，不吃也吧！脆蟹肉薯丸（$68）：一客雖有六件之多，但丸物薯多過蟹，口感偏嚡同乾，四口子每人食完一件都你推我讓，証明唔係咁啱口味。紐西蘭鑽石蜆（$88/八安士；$1