影片
依间餐厅我真系介绍咗好多人黎食，佢成个餐牌我都食晕哂！令我迷上佢嘅系佢嘅蓝青口！佢真系bb青口黎，细细只，好嫩滑，就好似18岁嘅少女面猪登一样，忍唔住想锡佢一啖！我系几钟意叫青口嘅人，有时嘀餐厅话自己蓝青口，但一时又大大只，一时又煮老哂，次次嗌都好似抽奖咁，真系惊惊地，佢有成三只味拣，重好大煲，价钱又平，重冇失过手！第一次黎，一定食呢个做入门！唉！不过有时人就好衰格，钟意食就成日去食，好似一讲过碟𩠌好食，呀妈就餐餐煮咁，成也风云，败也风云！我自己俾自己食到厌咗，不过唔紧要，佢其他野都好好食，最紧要佢价钱劲合理，嘀野又大大碟！有时hh 落去饮两杯都几好坐㗎～
继续阅读
约咗美容朋友仔约咗成年卒之都约到啦明明条友仔话同我庆祝生日问我食咩餐我话食中餐都去到餐厅嘅时候发现，咦西餐嚟嘅🤣而且可能因为近期社会问题啦餐厅冇人好似我哋包左场咁哗劲正🤣首先我哋嗌咗好多小食个人极力推介芝士青口好食到不得了仲有个烟熏三文鱼冇谂过佢嘅摆盘系咁靓呢两个前菜真系不得之了然后我哋后加个螺，就Okay啦唔系唔好食嘅跟住可能个前菜实在太好食然后去到个主菜，碟牛就比下去不过当然都系好食👍🏻👍🏻👍🏻然后佢个甜品有棉花糖𠮶个呢非常特别后尾我发现点解朋友仔会book呢间餐厅因为我order左嘅心太软，佢帮我写咗Happy birthday🙈🙈哗真系好惊喜呀😱可惜因为社会事件要早闩门啦本身九点闩嘅都俾我哋延迟到十点先闩服务都真系不错👍🏻
继续阅读
系近柯士甸路，官涌街尾果面，见到一间装修得几有格调既餐厅，我觉得好有外国优闲情怀餐厅个名叫FLANEUR应该系法文黎餐厅有室外既坐位，方便吸烟人仕餐厅既装修好有情调，有啲红色既灯光，好适合情侣夜晚黎谈下心餐厅以西餐为主，不过我今次行过见到有happy hour package, $68蚊有杯啤酒加一串串烧送下酒好似几抵甘，决定试一试距串烧方面只有三款选择，一个系烧猪腩肉，另一个系牛油果鸡肉，仲有一个系咩我唔记得左个猪腩肉烧得几香，几正牛油果鸡肉不过不失，唔算好特别佐敦真系比较少依啲坐得几舒服既地方俾人happy hour坐下饮反杯，价钱又唔太贵所以我见果日都几多人帮衬
继续阅读
庆生饭，餐厅多的是，但要拣一间色香味俱全，有情调，抵食，平，就我放工同归家，就唔容易啦！今次呢间一次过满足我所有要求！星期五晚上，七点许黎到，未坐满不过可能系订左位好似我地咁！打开menu，每间餐厅都系所有野都吸引。系openrice做定功课，睇中左佢个自己烟薰三文鱼而黎，好似好好玩咁！职员有个suggest烧法，我唔建议，试左一块一样冻冰冰！我会等d火猛d先烧，咁就好香啦！蛋饼有少少失望，闻好香，食评见人赞，食落口冇咩惊喜，加上我仲有少少咳，曲奇皮嘅热气感令我咳多两声！鹅肝好正，系两食，鹅干酱香口，我们将瓶子撩得好干净！煎鹅肝都香口，外脆内软，虽然唔系我食过最好食（唔贵的比较），都排第二啦！本身唔钟意食意大利饭，但果日自身条件限制迫住拣，唔评价啦！最后都好惊喜，我book位讲明要写字，但食饭当日先拣甜品，唔知拣边个好，试个椰王炖蛋好了！字同我order有少许出入，不过小事！呢个炖蛋不得了，蛋香，椰子味香，而两者能融入，超惊喜！用埋hsbc card好似近$400，抵，诚意推介这家！
继续阅读
姊妹聚会食饭揾啲小著数， 舖头座位有限， 放工唔想等位梗系要订枱， 经网上平台订位有积分送。半开放式，对住条街食嘢都几治愈， 唔好以为半开放式会好热， 坐喺梳化𠮶排位置冷气都充足， 舒适环境下倾偈用餐。先食无花果ham衬绝配搭，这是最爱的配搭， 伴碟的新鲜菜和醋让味蕾生色不少。饮品感受到认真调味，味道浓且杯边的水果新鲜。这一碟是猪， 见到红色的肉质有冇吓了一跳?! 我们问过店员叫我们放心吃😊😊毫不犹豫立即开动， 吃的感觉很好。烧茄子材料满满，蒜香味飘散， 无论视觉味觉口感极为丰富。最后烧菠萝和生日甜品作结尾。完美的一顿晚餐。
继续阅读